بالول راح اقولكم كم موقف لناس اعرفهم

الاول
.................................................. .........................

انا عندي موقف كل ما اشوف اخوي اضحك من جد

كنت مسافر من حائل الى الدمام ادور وظيفه المهم مالقيت وضيفه وجاني اخوي ونا في الدمام على شان نرجع لحائل سوى رجعنا لحائل سوى انا وياه كل واحد بسياره

المهم قبل دخولنا لحايل ب60 كيلو شرطت عليه شرط..

قلتله اسمع الي يدخل البيت اول واحد الثاني يصلح عشاء زين قال زين

المهم حركنا سوى انا بسارتي وهو بسيارته

صادنا الرادار كلنا سرعتنا((210كم)) يوم قربت للنقطه اخوي صار وراي بسيارته وقفني العسكري قلتله طلبتك تكفى يا ولد السالفه كيت وكيت تكفى مشني ومسك اخوي بس ربع ساعه وفكه وباكر عشاك عندي ضحك العسكري وقالي ابشر من عيوني عطاني الرخصه والاستماره ومشيت ومسك اخوي وجلس عنده اخوي تقريبا عشر دقايق وفكه انقهر اخوي دخلت حايل انا الاول

قلت بنفسي والله ما راح اوقف عند اي اشاره على شان اصل البيت اول واحد

كل اشاره اجيه اقطعه في احد الاشارات قطعته وشافتني الدوريه وقامت تطردني
وتعالو شوفو الفلم والدوريه وراي المهم انهم مسكوني ماودوني للبيت ودوني

للتوقيف وجلس بالتوقيف يوم وطلعوني فيه مثل يقول

(((من حفر حفره لاخيه وقع فيها)))

هههههههههههههههههههههههههههههههههههههه


الثاني
.................................................. ..............................
تقول انا موقفي

يضحك ويفشل ويقرف

مره جونا ضيوف حريم

وكنت جالسه وجنبي وحده من الضيوف وقدامنا طاوله وحده عليها صحن حلى
جت اختي صبت قهوه للحرمه وحطته ع الطاوله

انا ما انتبهت مع الزحمه والسوالف احسب الحرمه معها فنجال
واللي صبته اختي لي

المهم ما ادري شلون خذت فنجال الحرمه وشربت منه وهي ما انتبهت كانت تسولف
شوي انا قعدت اسولف مع اللي جنبي
الا والحرمه تاخذ الفنجال وتشرب منه

الحين كل هذا صار وحنا ما ندري عن بعض
شوي وخذت الفنجال اشرب إلا تشوفني وقالت هذا فنجالي قلت لا هذا حقي من الصبح وانا اشرب فيه
استغربت الحرمه وقالت شكلنا قاعدين نتقهوى من فنجال واحد بعدها انا مت ضحك وطلعت من الفشيله ولاعاد دخلت

"""""""""""""""""
الثالث
.................................................. ...............................

اما انا موضوعي جامع كل شي حزين ومفرح وظريف والموقف هو اني نزلت من السياره للبقاله علشان ابي اشتري سفن اب وسنكرس ومالكم بالطويله صاحب البقاله توه منظف باب البقاله ومسكر الباب انا مادريت حسبت الباب مفتوح وجاي على وجهي مسرع مادريت الى خشتي بالقزاز ماتسمعون الا قرشت وجهي بالقزاز.
فهذا الموقف حزين بالنسبه لي وظريف لبعض الناس

.................................................. .........................................

هههههههههههههه

يسلموو شجووونه على المواقف الحلوهـ

بأنتظار البقيه

موضوع جمــيل ورائع ..


يستحق التثبيت ..



لي عوده بالتأكيد .. << باذن الله ..


يسلمووو ورود ..


تحيآآتي ..

!!HmOoOdi!!

يسلمووو محمد ع المرور

بانتظااركـ