ياطول ليلٍ راح طيفك سهيره
وانا أحسب اللحظات لايغيب عني
أسكت وأراقب ساعتي المستديره
لاينكشف وجه السما بصوت وني
وأضوي شموع أغيابك أبكل حيره
وأسوقلك كل القصايد تغني
وأنسج من الأعذار وأقول خيره
وأكتم بقايا بوح لايفضحني
بعض الجروح اللي تهاوت كبيره
تلعب عليها بفن ماهو بفني
ياكود عشٍ غايب أيام طيره
ماتت بوسطه أفروخ ناحت توّني
كم لي وأردد قول الله يجيره
وأعيدها والمشكله اليوم أني
تعبت انا أسكن غربتك وأنت ديره
وعجزت انا أوقفبك ثواني تمني
أروح مع دربك ولا أود غيره
وأعود مابحت أبسواليف كني
أستاحشك غربه وشوقٍ وغيره
وأستوجدك فرقه لو تمل طعني
وأستبعدك أنسان ميّت ضميره
وأستقربك عن ضيقتي تنتزعني
وأستودعك بعض الخواطر كسيره
وأستقبلك لو كل جرحٍ منعني
وأخايلك في كل دربٍ أسيره
وأحايلك من لهفتي لاتدعني
ياموطن أحساس الغرام وسفيره
يامرتوي أحروف الغلا اليوم مني
والبارحه والليل طيفك ينيره
من دون شمعٍ ذاب في وسط ذني
أحرق هموم الجوف ثم أستخيره
وأجيب باقة شعر بسمك تهني
وأهيم بك بأحلى الكلام وعبيره
وأعيش بك لحظة تأني وتأني
خايف ينام الليل وأصبح هجيره
وأصحى بصوت أحروف شعرٍ بكني
وأستدرج اللحظات وأرجع وأديره
وأقول ضني خاب ماخاب ضني
يعني حكاية شوق ماهي صغيره
والعقل ضاع ولاحصل به تدني
أشوف هجرك وأستفزه وأثيره
وأعاندك في وّهم وأنت أمتهّني
خل الكلام ينام في وسط بيره
وخل الجروح ابيوم تب تستكني
والليل راح ومابه أيّات سيره
مادري سهيره طيف أو كان جني

و سلامتكم ..
تقبلو موضوعي : قلبي موطن الازهار