السلام عليكم ورحمة الله وبركاته





قالوا علامك صـامت وقلت ياناس= كثر الكلام يقل لاجله مقامي

الصمت حكمه والحكي مــصدر إفلاس= ولقيت في صـمـتي يزيد احترامي

الصمت له معنى وله ذوق وإحســـاس= مركب نجاتك في بحـور الظلامي

ترى الرجل صوره من الـراس للساس= ثم يتبين جوهــره بالكلامي

إما نطق في كلمة ترفــع الرأس= تضفي على شكله جــديـد الاسامي

وإلا يعود معدنه مـــعــدن نحاس=يرميه سهمه بـعــد ماكان رامي

لا صار عندك من ثمـيـنات الألماس=خله بـصـدرك لين وقت التمامي

أخاف يطلعلك مـن الناس بلاس=وإلا سـفــيه ما يرد السلامي

الله خلق خلقه على عـدة أجناس=وكلن يسوقه مذهـبه للأمامي

والله خلق بالطير قمري وقرناس=ووقت الهدد ما ينغزي بالحـمـامي

لا جال في صدرك من الهم هوجاس=وعينك يحاربهـا لذيذ المنامي

ونفسك عليله والفكر صار محتاس=اترك طمان القـاع وارق السنامي

عليك بالعالي ليا هب نسـناس=يبري الجروح الخـافيه والعظامي

وخلك لربـعـك دايم الدوم نـبراس=وخص القريب وخص ولد العــمامي

خلك لهم في داجي الليل مقـباس=ولصاحب أصدق من حقوق الغمــامي

ربعك ذراك ليا لحق راســك البـاس=قدم لهم شربك ولو كنت ضـامي

وخلك لثوب الطيب والعز لبـاس=واترك دروبٍ تنتهي بالحرامي

وفعل الجميل وواجب الضيف نومـاس=ومن لا نفع بالضـيق نفعه عدامي

بيت الكريم أبوابه بدون حـراس=وبيت البخيل يـعـد مثل الهدامي

كلٍ بها الدنيا نصيبه بـمقياس=ياخذ نصيبه لوجــفـوه الأنامي


مـنقوله بقلم صاحب الليل

مع خالص حبي وتقديري واحترامي لكل الاعضاء




قناص المدينة

مشكور جدا أخي الرائع..
***
إن السكوت سلامة ولربما ... صنع الكلام عداوة وضرارا
ما إن ندمت على سكوتي مرة ... ولقد ندمت على الكلام مرارا
***
أحيانا..
يكون الكلام من الحكمة..
ولكن في الأصل..
السكوت هو الحكمة..
***
أخي قناص..
لك شكري ثانية..

أخوي قناص

والله أنك رايق في الإختيار

وصاحب الليل صدق بقوله وصدق بفكره ونصيحته التي نظمها بشعر راقي

أخي لك التششكرات

تقبل مرور
أختكم
وررررررردة تقااااااوم

الكوكب مشكور على مرورك


قناص المدينة