رواية مابي حياتي دام حبي هجرني


روايه راح تكتشفون فيها الحب الصادق والتضحيه علشان الحب يبقى ويستمر
والخيانه ومرارتها..والقسوه..واشياء كثيره راح تتعرفون عليها من خلال الرواية ويمكن تستفيدون منها ....

البارت الاول





في البدايه احب اعرفكم على اول عايله من عوايل الروايه وهي عايله ابومحمد وتتكون من خمس افراد :ابو محمد ((عبد العزيز)) وعمره 50 سنه وام محمد ((فاطمه)) وعمرها 42 سنه وهي مثال للطيبه والحنان فهي بالمختصر المفيد ام وزوجه مثاليه بكل ماتحمله هذه الكلمه من عنى , وولدهم الكبير ((محمد ))وعمره 23 سنه وهو في آخر سنه من الجامعه ,وبنتهم الوحيده(( ريما ))وعمرها 19 سنه اول سنه لها في الجامعه واخيرا وليس آخرا آخر العنقود دلوع الكل عبووود ((عبدالله)) وعمره 6سنوات " طبعا انا ماراح اذكر شخصية كل واحد راح اخليكم تكتشفون كل شخصيه مع تسلسل الاحداث"
في يوم الجمعه وقبل ماتبدأ لوية الدوامات والمدارس بيوم صعدت ام محمد للدور الثاني واهي معصبه لآخر درجه على بنتها دخلت غرفة ريما وفتحت الستاير وقعدت تصرخ على بنتها اللي رايحه في سابع نومه ولا حاسه باللي حولها :يايمه ياريما ماصار كل هذا نوم قومي الساعه وحده ونص وانتي لين اللحين نايمه ابوك واخوك مابقى شي ويرجعون من المسجد يلا قومي اخذيلك شور وصلي يلا
ريما:لارد >>>>>>البنت نايمه في العسل ولاسامعه ولاشي من صراخ امها ..خلاص هنا ام محمد فقدت اعصابها وقعدت تهزها بالقوه وتشيل البطانيه عنها لين ما حست ريما وصحت وقالت: هااا يمه شبغين لسى ماصارلي نايمه الا ياعتين ورجعت نامت ولا كأن احد يمها كسرت خاطر امها وقالت :ياربي على هالبنت بتجنني سكتت شوي بعدين قالت يللا مسكينه بكره وراها دوام خليها تنام نص ساعه بعدين ارجع اصحيها مره ثانيه سكرت الستاير وحبت خد بنتها وطلعت من الغرفه بعد ماسكرت باب الغرفه الا ينط عبووود في وجهها وخرعها من قلب وقعد يضحك عليها حملته وبما انه آخر العنقود قعد يتدلع عليها: ماما
ام محمد: ها ياروح ماما انت
عبووود:ماما انا جوعان كثير من امس وانا ماكلت شي ابي اتغدا اللحين
ماتت ام محمد على براءه ولدها وضمته لصدرها وقالت: يخسي الجوع يهزك انت لو تبي عيوني ماتغلى عليك كم عبود عندي انا
استانس عبود وحب خد امه وراحوا مع بعض للمطبخ علشان تأكله
وامداهم خلصوا الا بدخلة ابومحمد ومحمد اللي كانوا يسالفون عن الشغل والدوامات
ابو محمد: ها يبه مااوصيك هذي آخر سنه لك بالجامعه ابيك تشد حيلك علشان تبيض وجهي وارفع راسي فيك..
محمد: ابشر يبه مالك الا اللي يرضيك
ابتسم له ابوه بحنان وقال:هذا العشم فيك ياوليدي
سمعت ام محمد صوتهم وراحت لهم وسمعتهم شنو قاعدين يقولون فقالت: قول آمين يايمه
محمد باستغراب: آمين بس على شنو؟
ام محمد :الله يبلغني فيك وافرح في اختك واشوف عيالكم
فرح محمد كثير ورفع ايده للسما وقال :آميييييييييييين يارب في حياتكم
الا نط عبود عليهم ومسوي فيها زعلان على امه وقال واهو يتبيكى :ليه ماقلتي يمه انشاء الله عبود يتزوج مرح (مرح هذي بنت عمه وبنت خالته بنفس والوقت ويحبها موت) ولابس محيميد وريموووه عيالك وأنا لا
قعدوا كلهم يناظرون فيه مستغربين وفجئه انفجروا ضحك كلهم:هههههههههههههههههههههههههههههههههههههههههه
قامت ام محمد وضمته وقالت: اكيد وانت بعد الله يبلغني فيك
ضحك عبود وقال: حسبالي بعد هههههه
الا بنزلة ريما من فوق وهي تسمع ضحكهم قالت بزعل: أي ضحكوا ومخليني نايمه فوق لحالي كأني بنت الشغاله مو بنتكم الوحيده أي اعترفوا وقولوا بنت الشغاله انا خلوني اعرف اللحين قبل مااعرف بعدين وانصدم اكثر واهي تفرك عيونها مسويه فيها تبكي
ضحك محمد وقال: كويس انك عرفتي واللحين يلا وريني مقفاك للملحق حق غرف الخدم ههههههه
بحلقت ريما عيونها بقهر وهو زاد ضحكه وقال: وش فيك حبيبتي هذا الحق والحق ماينزعل منه ولا وش رايك ..
انقهرت ريما من قلب وتوها بترد عليه الا فزع لها ابوها وقال: لالا كل شي اقدر عليه الا زعل ريومتي حبيبتي
فرحت ريما وراحت تحب راس ابوها وقالت: الله يخليك لي يا أحلى ابو بالدنيا كلها وطلعت لسانها حق محمد علشان تحره اهو مارد عليها وقعد يبتسم على خبالها
ام محمد من بعيد: يلا وينكم لي ساعه وانا مجهزه الغذا موناويين تتغدون
ابومحمد:لايامعوده تراني ميت من الجوع هذا حنا جايين وراحوا كلهم متوجهين لغرفة الطعام
واثناء مااهم يتغدون تذكرت ريما شي وغصت بالأكل وصارت تكح:كحكحكح....
.................................................. ....................

((الفصل الثاني من البارت الاول))


واثناء مااهم يتغدون تذكرت ريما شي وغصت بالاكل وصارت تكح بقوه
ام محمد بخوف:بسم الله عليك يمه وشفيك خذي المويه وشربتها امها بيدها وصارت تظربها على ظهرها بشويش وتسمي عليها
لين ماقالت ريما: خلاص يمه مافيني شي
ام محمد:يمه خوفتيني عليك اكلي بشويش
ريما بابتسامه خفيفه: ان شاء الله يمه تامرين امر يالغاليه
محمد:هههههههه وشفيك يمه هذي قطوه بسبع ارواح مايجي لها شي ههههه
ام محمد:بسم الله على بنيتي من عيونك قول لااله الاالله الا يجيها شي
محمد:لااله الا الله ماقلنا شي بعدين يمه انا عيني بارده
الكل استغرب من ريما اللي ماردت على محمد ولا اهي بالعاده تاكله بالصراخ اذا غلط عليها ,كلهم وجهوا نظرهم لريما وشافوها تناظر حول الطاوله لين مااستقر نظرها على محمد ووقفت على طولها وكلهم يناظرونها
بنظرات كلها تعجب ابومحمد:وين ياحبيبتي مااكلتي شي ؟
كملت ريما مشيها من دون ماترد على ابوها لين وصلت للكرسي اللي جنب محمد وسحبتها لورى شوي وجلست عليه طبعت ريما بوسه ناعمه على خد محمد وقالت:هلا بحمود هلا بخوي وربي اني مشتاقه لك موووووت
عبودي يدخل عرض بالسالفه: محمد قولها خلصيني وشتبغين >>>كاشفها
كلهم ضحكوا على عبووود ,ابو محمد قال:حتى عبود كاشفك وكاشف حركاتك هذي
انقهرت ريما ووجهت كلامها لعبووود: عبيد انت جب ولاكلمه مالك دخل لايجيك كف على وجهك
نط عبود ورى كرسي ابوه وطلع لسانه لريما وقال:اذا فيك الخير تعالي قربي مني انا اللحين تحت حماية بابا..
سفهته ريما ورجعت تناظر بمحمد اللي قاعد يكمل اكله بهدوء واخيرا نطقت: حمداني
محمد:خير وشعندك خلصيني
ريما: انت تعرف ان بكره بداوم اول يوم بالجامعه
محمد وهو يسوي نفسه متفاجأ واول مره يدري:والله من جدك ليه ماقلتيلي من بدري علشان احتفل فيك
ريما وشوي وبتصيح: حمووود لاتتريق علي انا اكلمك جد
محمد:طيب خبر موجديد وشتبغين اسويلك
ريما بحزن:تخيل بكره الدوام وانا ماشريت ولاشي
محمد والخلاصه خلصينا شلمطلوب مني
ريما بخوف:ابيك توصلني المول
محمد:لا والله والسايق ليه مايوصلك
ام محمد ترد:انا ابيه اليوم ظروري
ريما:تكفى وتكفى تهز رجال لاتردني وانا اختك الوحيده وهي تناظره بكل براءه
محمد: لا وستين لا ماني بفاضيلك وهوياشر على خشمه:عندي اليوم اشغال لهنا
ابو محمد واهويقوم من الطاوله:الحمدلله اللهم احفظها من نعمه
ام محمد قامت معاه وقالت له:بالعافيه يالغالي
ابو محمد ابتسم لها وقال: الله يعافي قلبك
ولحقهم عبووود
>>عم الصمت في المكان الا برنه جوال ريما اللي تكسر حواجز الصمت في المكان ومحمد لازال ياكل ولامهتم ردت ريما على جوالها بملل :هلا غلا
من سمع محمد اسم غلا غص بالأكل ورمى الملعقه :كحكحكح ويقول بهمس آاااه ياقلبي يااني مشتاق لك موووت
ريما: شوي,شوي ارفق بحالك لاتموت علينا
محمد مارد عليها الانه من سمع طاري غلا غرق بأفكاره مع حبيبة قلبه غلا ((اكيد كلكم تتسائلون مين هذي؟ انا راح اقولكم مين هذي الله يسلمكم تصير بنت عمهم وبنت خالتهم بنفس الوقت اكيد فهمتوا علي وكنكم تتذكرون هذي اخت مرح اللي عبود متيم في هواها خخخخ>>> عيال آخر زمن,و "مرح "عمرها 6سنوات وعندها اخت اكبر منها اسمها "الجازي" وعمرها 26سنه ومتزوجه وهي اللحين حامل و"غلا" عمرها 19 سنه وهي كبر ريما وعندها اخوين الاول اسمه "طلال" وعمره 24 سنه ويشتغل مهندس في شركه ابوه وعمه , والثاني اسمه "اوسامه" وعمره 10 سنوات...))
غلا: ياهوو وينك اكلم مين انا؟؟
ريما:أي معاك كملي وش اخبارك؟
غلا: تمام وانتي كيفك؟
ريما واهي تناظر محمد ومنقهره منه موووت : زفت والحمدلله
غلا:ليه شصاير؟
ريما: محمدووه في غيره
غلا :وانتي بسك مناقر معاه
ريما بعصبيه: هي انتي بغيتك عون صرتيلي فرعون ترا انا صديقتك مو هو
محمد هنا انتبه من احلامه الورديه واهو ماسك قلبه وقال بهمس: آااه ياقلبي فديتها وتدافع عني بعد لاهذي اللي ناويه تجيبلي السكته القلبيه
غلا : وش سوا لك بعد؟
ريما:لاتفرحين ترى ثنتيناتنا بمركب واحد يعني غرقنا مع بعض
محمد يناظر ريما واهو مستغرب ماسوا شي
غلا مبلمه: ها مافهمت؟
ريما مارضى يوصلنا الموول تصوري
محمد اه غلاي بتروح وانا اقول لا انا اشهد اني اكبر ثور بالعالم وقال لريما: هييي انتي من قال اني مابوصلكم يلا اجهزا اربع العصر بوديكم
علامات الفرح بينت بوجه ريما : مشكور قلبو
محمد:لو عليك انتي كان ماوديتك لو تطيرين بس لجل الغلا ارهن حياتي
ريما بقهر: خلاص ماني رايحه وخلي غلا تروح بالحالها مع سايقهم
قام محمد لها واهو يتأسف ويحب راسها:لالا توبه كلش ولاتهونين ترا اروح فيها وحط ايده على راسه: حقك على راسي من فوق يالغاليه
ريما: أي لاتكثر أي حركه ثانيه اهون ترا
محمد باندفاع: لالا خلاص توبه هذا انا بتركلك المكان كله بروح اريح باي
ريما بابتسامه: باياات وقالت في خاطرها: ياقلبي ياخوي لهالدرجه تحبها الله يجمعكم مع بعض يارب..
<<<تذكرت ريما غلا اللي مازلت ع الخط وقالت: اوووه شلون نسيت هذي كله من روميو زمانه خخخخ
ريما تكلم غلا: سووري غلوي بس محمد شغلني
عصبت غلا: مره ثانيه اذا انشغلتي استئذني وسكري ورجعي كلميني بعدين مو تسفهيني ساعه كامله
ريما: ههههههههه فديت المعصبين حقك علي آخر مره مااعيدها وابشرك بشاره حلوه علشان تروقين شوي الساعه 4 العصر كوني جاهزه بمرك ونروح سوى للمول
غلا: توك تقولين محمد مو راضي وماادري ايش
ريما: لا خلاص اقنعته بطريقتي الخاصه
غلا : اوكي على الوعد
ريما سي يووو
غلا : تشاااو
ريما:تشاااو...
>>>>في تمام الساعه ثلاث ونص العصر كان محمد يتجهز ومو عارف شيسوي من الفرحه مره يلبس ثوب وشماغ ومره يلبس بدله وكاب الين مااستقر على بنطلون بيج وقميص اسود وشمر اكمام قميصه ولبس ساعه بيج ونظاره سودا ولابس جزمه سوده>>>وانتوا بالكرامه ،وكان مبعثرشعره بطريقه طلعت شكله جنان واخيرا خلص تجهز وطلع من الغرفه وكان يغني: وانا ناطر حبيبي ترجع لي ياحبيبي وانا ناطر
وفي هالوقت طلعت ريما من غرفتها على صوت محمد وهو يغني وناظرت فيه واهي منبهره من شكله قالت: الله الله شالزين هذا كله انا لو ادري شوفت غلووي بتخليك فوق النخل>>((واصل حده من الوناسه))
كان من زمان حددنا موعد علشان نشوف هالكشخه كلها
ضحك محمد واهو يرفع نظارته فوق شعره ،ناظرها نظره العاشق الولهان وقال: هذا مو بيدي هذا من الحب وعمايله وجمع اصابع كفه وظرب على صدره بقهر واهو يقول بحب : هذا اللي يسيرني مو انا اللي اسير نفسي
ريما: ههههههه الله يفكك منه ولا يبلانا اذا هذا الحب كش بره وبعيد منه
وفجأه بحلق محمد عيونه وضرب راسه بيده وكانه تذكر شي مهم وقال: اوووه تأخرنا على غلاي ..يلا بسرعه انتظرك بالسياره ...
<<وركب سيارته وبمجرد ماركبت ريما السياره وقبل ماتسكر الباب
حرك محمد السياره باقصى سرعه حتى قبل ما تحمى سيارته
صرخة ريما بأعلى صوتها واهي خايفه مووت: يامجنون انت تبي تموتنا
صرخ محمد واهو بيموت من الفرحه: لا تلوميني ياريما اخيراً بشوف غلاي صارلي اربع شعور ماشفتها والله قويه على قلبي
ابتسمت له ريما من دون ماترد عليه "ريما بنت رومنسيه لابعد الحدود بس المشكله انها ماتحب وتتاثر كثير بقصص وروايات الحب وتتمنى تعيش قصه حب بس تخاف انها تنجرح اوتفشل في العلاقه "...كانت ريما في عمق تفكيرها واحلامها الورديه للمستقبل اللي هي تتخيله مع الحبيب او بالاصح زوج المستقبل جاتها ضربه على كتفها من محمد اخترعت ريما من الضربه وقالت: آاااي حمووود عورتني
محمد : بسم الله عليك يااميره ديانا
ريما:هههههههه حلوه منك بس لا يكثر اصلاً انا اطفر ديانا وطوايفها
محمد: زين خلاص لا تكثرين هرج دقي على غلاي وخلصينا
دقت ريما على غلا وردت بسرعه قالت ريما: يلا طلعي بسرعه صار لنا ساعه وحنا واقفين على باب بيتكم
غلا: ثواني وانا طالعه
ركبت غلا السياره وجلست ورا محمد وسلمت على محمد وريما وقالت: هلا محمد اخبارك؟
خفق قلب محمد بقوه وابتسم ابتسامه عريضه وقال: بخير دامك بخير يالغلا
استحت غلا من محمد وقالت ريما: يلا خلصونا بيسكر المول وانتوا للحين سلام وغرام
ناظر محمد ريما نظرات تهديد خوفت ريما وسكتتها ودام السكوت طول الطريق بعد ما وصولوا للمول قال محمد : يلا انزلوا واذا خلصتوا دقوا علي...
نزلوا غلا وريما للمول وبعد ماخلصوا تسوق اقترحت غلا على ريما انهم يجلسون بكوفي شوب يشربون شي ويريحوون شوي ووافقت ريما وراحوا سوى للكوفي شوب وجلسوا ونادوا الجارسون وطلبوا وبعد ماراح
الجارسون يجيب طالباتهم لفت انتباه ريما رجال جالس بالطاوله اللي قبالهم
يناظر فيها وقام يمشي تجاهم
ريما خافت وقالت : غلا ..غلا
غلا: ووجع نعم شتبين خوفتيني
ريما بخووف واضح: غلا طالعي هذا الرجال من اول مادخلنا للكوفي واهو يطالعنا واللحين بيجي لنا
خافت غلا كثير ونقلت نظرها لوين ما يأشر صبع ريما ولما شافته وركزت النظر فيه عدل
.................................................. ...........

((البارت الثاني))



نقلت غلا نظرها لوين مايأشر صبع ريما ولما شافته وركزت النظر فيه عدل انفجرت ضحك:هههههههههههههههههههههههههههههههههههه
انحمقت ريما: ليه تضحكين؟
غلا واهي مازالت تضحك :هههههههه يالغبيه هذا طلال اخوي وش فيك ماعرفتيه
ريما منصدمه:من جدك هذا طلال ماعرفته
قرب طلال من الطاوله وقلبه ينبض بكل حب وشوق لحب الطفوله لعشقه الازلي ريما ظلت عيونه معلقه طول الوقت عليها وكأنه يشبع نفسه من شوفتها ..وآااه عليك ياطلال لو تظل تناظرها طول العمر بتظل متعطش لشوفتها اكثر ،قرب طلال اكثر واكثر لين صار ملاصق لطاولتهم
طلال بنظره تحمل كل عشق ووله لريما: هلا ريما شخبارك؟
ريما واهي مستحيه من نظراته قالت: هلا طلال انا بخير وانت شخبارك ،شعلومك من زمان ماشفناك..
ابتسم طلال وقال: انا بخير والله انا مشتاقل....... انتبه لنفسه وتدارك الموقف وقال: مشتاقلكم مووت
ريما: لو أنك مشتاق لنا على قولتك ما قاطعتنا كل هالمده
زادت ابتسامه طلال واهو على باله كلامها نابع من زود الاهتمام واهي المسكينه قالت هالكلام بعفويه وقال: لا وربي بس تعرفين الدنيا تلاهي
ريما بعفويه:اهاا وشغلك حتى علينا
هنا طلال ذاب اكثر واكثر ولا قدر يتمالك نفسه وقال: لا والله انتوا اهم عندي من اشغال الدنيا كلها بس تعرفين توني مشتغل بالشركه واغلب وقتي بالدوام
اكتفت ريما بابتسامه من دون رد الانها ماعرفت شتقول وحست انها ازعجت طلال باسئلتها...
بهذا الوقت وصل الجارسون وحط طلباتهم على الطاوله وراح
غلا : اقول طلول من شاف احبابه نسى اصحابه ولا كانه انا موجوده
طلال ومازالت عيونه متعلقه بريما بطريقه خلتها جد تستحي وتنزل راسها قال: افاااا انتي الخير والبركه بس انتي كل يوم اشوفك بس ريما مثل البدر ماينشاف الا بالشهر مره
حمرت خدود ريما من الخجل ،حست غلا بخجل ريما وردت علشان تضيع السالفه: يلا هالمره سماح بس مو تكررها
طلال وهو يأشر على خشمه: ان شاء لله على هالخشم..
طلال :الا صح انتوا شجايين تسون هنا ؟

غلا: انقضي اغراضنا
طلال: اهااا خلاص انا اخليكم اللحين واروح حق صاحبي اوكي
ريما : الله معاك
تنهد طلا تنهيده لعلها تطفي نار الشوق اللي تسعر بقلبه وقال: باي وانتبهوا على نفسكم
ابتسموا له غلا وريما وقالوا: باياااات
وبعد مامشى عنهم طلال وضلوا يدردشون شوي رن جوال ريما
ريما: هلا بوجسوم
محمد: اهلين ..ها خلصتوا؟
ريما: لحظه اسئل غلا
محمد:اه ياعمري اهي
ريما تكلم غلا : هاغلا نمشي
غلا: أي انا خلصت
ريما ترجع تكلم محمد: ياللا تعال خلصنا
سكرت ريما من محمد وقاموا ثنتيناتهم لوين البوابه اللي قالهم محمد يوقفون عندها واول مااقبلت سيارة محمدانتبهوا لها ومشوا لناحيتها وقبل لا يركبون نزل محمد من السياره وأخذ الأكياس من يد غلا وحطهم في دبة السياره
غلا خجلت من لباقتة وقالت : شدعوه كان خليتهم معاي ماابي اتعبك
لف محمد وجهه عليها وقال بابتسامه اللي تذوب الصخر اللي خلت قلب غلا يخفق بقوه بدون ماتعرف شنو السبب وقال: ولوووو تعبك راحه كم غلا عندنا
احترق وجه غلا من الفشله ونزلت راسها واكتفت بكلمتين: مشكور وماتقصر
وقبل مايرد عليها صرخت ريما عليه: حميدووه ياجاحد وناكر الأخوه ،تاخذ الأكياس منها وانا سافطني كأني الشغاله
محمد:اوووه سووري يالغاليه انتي مو الشغاله انتي بنتها ههههههه واخذ الأكياس منها وحطها بالدبة وركبوا السياره وريما معصبه وضلت ساكته
ناظرها محمد وقعد يضحك من كل قلبه وقال واهو يقرص خدها بخفه: فديت الحلوين اللي عاقدين النونه ..ريما واهي مازال آثار الزعل على وجها قالت: أي اضحك علي بكلامك كالعاده
محمد: تعرفين مكانك بقلبي وشكبره بس حبيت اضيف جو للمكان
ريما: طيب خلاص صدقناك بس شغل لنا المسجل على شيٍ حلو
ابتسم محمد بخبث وطلع سي دي صابر الرباعي وحطه بالمسجل وبدا المغني يغني : اتحدى العالم كلو وانا وياك
وبقول للدنيا بحالها اننا بهواك
وان انت حبيبي وقلبي وروحي معاك
قربني ليك،سبني اعيش احساس هواااك
باتحدى العالم كلو وانا وياك
وبقول للدنيا بحالها اننا بهواك
وقبل لا يقول المغني هذي الكلمات رفع محمد على صوت المسجل وضبط المرايا وعدلها بحيث تقابل وجه غلا، وبدء المغني يدندن بكلمات:
انا عشقي ليك عشق القمر
والنجمه والليل والسهر
انا حبي ليك فوق الخيال
فوق احتمال كل البشر
وهو يطالع في غلا بنظرات حرقتها وخلت قلبها يسرع في ضرباته وصارمحمد هو الثاني يتنهد بآلم وشوق ووله وفجأه رن جوال محمد وطفى على المسجل ورد: هلا يبه
ابو محمد: تعال ابيك ظروري
محمد: ان شاء الله تآمر امر... وسكر منه وقال محمد لهم: والله انا كنت محضر لكم مفاجأه وبعشيكم بالمطعم بس مثل ماسمعتوا ابوي يبيني ظروري
ريما: اووووووه خساره ياللا الجايات اكثر
ووصلوا غلا بيتها وكل واحد راح لبيته ونام في سبات عميق ماعدا شخص واحد ظل قلبه سهران ومحتار طول الليل......
من اول ماردت غلا من المول صعدت لغرفتها على طول من دون ماتتعشى او حتى تكلم احد ضلت سهرانه تتذكر كل كلمه قالها محمد لها وكل نظره وهمسه وجهها لها وضلت حايره وتفكر طول الليل: ليش محمد يعاملني كذا ؟ معقوله محمد يحبني ؟ لالا شنو يحبني شفيني شكلي ستخفيت وصرت اتوهم اشياء مو موجوده اصلا محمد يعتبرني مثل ريما
انتبهت على نفسها وقالت: شفيني انا ليش شاغله عمري اروح انام احسن لي
>>>>>>صحت ريما الصباح من بدري للجامعه وظرب محمد الباب
ريما: مين؟
محمد: انا محمد
ريما: تفظل ..آمر اشبغيت
محمد : تذكرين ايش صار امس؟
ريما: أي اكيد اتذكر زعلتني وفورت دمي
محمد: صح يالذكيه وعلشان كذا قررت اليوم انا اللي بجيبك من الجامعه
ريما: اوكي صار اجل بقول لغلا اني اليوم ماراح اركب السياره معها
محمد باندفاع: لالا عادي خليها تجي معنا
وراحت ريما بسيارة البيت ومرت على غلا ...لاحظت ريما شرود غلا الواضح وسكوتها طول الطريق وهذا شي غريب عليها هي بالعاده تحب السوالف ومستحيل تمر دقيقه ومااتقول كلمه وحده وهذا حنا قربنا نوصل الجامعه وهي للحين من سلمت مانطقت بكلمه وحده خليني اسئلها واشوف شفيها : غلا وش فيك؟
غلا: لا بس امس مانمت الا متأخر وراسي مصدع شوي
وصلوا الجامعه وبعد مااخذوا الجداوول جلسوا بالكفتيريا مع البنات:
قالت شوق ( صديقتهم): غلا وشفيك اليوم انتي ابد موطبيعيه
غلا: لا بس اشوي صداع
ريما: تعشيتي امس
غلا : بصراحه لا
ريما : طيب فطرتي الصباح
غلا : هم لا
مها( صديقتهم العزيزه): غلا جد فيك شي ؟
ريما: على العموم انا ومها بنروح نشتريلك فطور علشان تاخذين لك بنادول
بعد مامشوا البنات التفتت شوق على غلا وقالت: راحوا البنات ها ماتبين تقولين لي
غلا وهي منزله عيونها بالارض وسرحانه انتبهت لآخر كلمتين قالتهم شوق>>بتقولين لي؟<<
غلا : مافيني شي
شوق: شكلك للحين مو معتبريني صديقتكم ولا كان قلتيلي وش فيك
غلا :لا بالعكس اصلا انتي من تغيرتي وحنا نعتبرك من اعز صديقاتنا
شوق: طيب اذا تعتبريني صديقتك قولي لي وش فيك؟
غلا بتردد: وصفي لي اللي يحبون؟
شوق: مع اني محتاره ليه سئلتي هذا السؤال بس بجاوبك اسمعي اول شي اللي يحبون يهتمون باللي يحبونهم ويعاملونهم معامله خاصه غير عن كل الاشخاص الثانين وتلاقين اسم الي يحبه ماينزل من على اللسانه
غلا: ويطالع اللي يحبه بنظرات غريبه ويهتم فيه ويبتسم له
شوق: بالضبط ..بس شالسالفه
غلا: هذا ريما ومها وصلوا بعدين اقولك
شوق: اوكي
حطت ريما الاكل قدام غلا بتعب وقالت:يلا تفضلي سموك واكلي
مها وشوق: ههههههههه
مها: متأكده غلا ان الالم في الراس اخاف في مكان ثاني
ماردت غلا عليها واخذت الاكل وكلت مع انها مالها نفس تاكل ولا لها نفس الشي بس كلت علشان مايشكون البنات ان فيها شي من جد
ريما: غلا اليوم السايق ولد الشغاله بيمر علينا من الجامعه ويقول هو اللي بيرجعنا البيت
غلا وهي مو مستوعبه عادت كلام ريما بصيغة السؤال: السايق والد الخدامه؟
ريما: أي محمد اخوي
غلا: حرام عليك يالحقوده اعتذر امس وخلصنا
مها : شالسالفه ؟
شوق: انتي وش دخلك فيهم سوالف عائليه
ريما : لا عادي شدعوه ورجعت تكلم غلا: ها بتجين معنا البيت
غلا في خاطرها هذي فرصتي اطابق كلام شوق بتصرفات محمد وقالت
اوكي بس لحظه اتصل على طلال لا يجيني، وطلعت الجوال من شنطتها
غلا: اوووووووه البطاره فاضيه
ريما: خلاص اتصلي من جوالي
مدت غلا يدها للجوال ودقت على اخوها طلال
>>في هذا الوقت كان طلال توه طالع من الحمام ماخذله شور واول ماسمع جواله رن رنه وحده وفصل قال باستغراب منو هذا ؟ وراح ياخذ الجوال من فوق السرير وهو ينشف شعره بالفوطه اللي كانت على صدره العاري
اخذ الجوال وفتحه لما شاف المكالمات التي لم يرد عليها تشنجت ملامحه وزادت دقات قلبه وهو يعيد قراية الاسم الظاهر على الشاشه وكل مره يطلع نفس الاسم وهو مو مصدق **حلم عمري** متصل (ريما)
لان هو من كثر مايشوفها حلم صعب المنال مسميها حلم عمري ومن زود الفرحه رمى الفوطه على سريره اللي كان جنبه وبدون تردد وتفكير دق عليها مره ثانيه
*اكيد كلكم تتسائلون ليش دق الجوال رنه وحده وفصل؟
*واكيد كلكم تتسائلون وش بيصير في بيت بو محمد بين غلا ومحمد وشنو بتوصل له غلا ان محمد يحبها او ان تصرفاته ناتجه عن معزه مثل معزة اخته ريما؟
انتظروا الاجوبه بالبارت الجاي

((البارت الثالث))


رمت غلا الجوال على ريما وهي مرتبكه
استغربت ريما: ويش فيك؟
غلا بارتباك: محمد ع ال waiting
خذت ريما الجوال من غلا وردت على محمد واهي مستغربه من ارتباك غلا..ريما: هلا محمد
محمد: هلا ريما.. ها وافقت غلا تجي معانا
ريما: أي بس بتتصل على طلال لايجي لها
محمد: اوكي خمس دقايق وانا عندكم
ريما: اوكي يلا باي
وانهت ريما المكالمه الا يدق عندها رقم غريب واهي من النوعيه اللي ماترد على الارقام الغريبه وبعد اقل من نص دقيقه رجه يرن مره ثانيه من نفس الرقم الغريب استغربت ريما من الحاح المتصل وردت في اثناء ماكانت غلا سرحانه بأفكارها والبنات لاهيين بالسوالف ردت ريما على جوالها بصوت متردد: الووو
المتصل: اهلين ريما
ريما بصوت خايف ومبحوح : مين معاي؟
المتصل باستغراب وزعل: انا طلال ماعرفتيني!
ريما واهي تتنهد بارتياح: اوووه ...طلال سووري ماعرفتك الان توني مغيره جوالي ومو مسيفه كل الأرقام
طلال باستغراب اكثر: اجل كيف دقيتي علي قبل شوي؟؟!!!!!!!!
ريما تحاول تسترجع ذاكرتها قالت باندفاع :أي هذي غلا داقه من جوالي ومدت الجوال لغلا من غير ماتسمع رد من طلال
>>>مازالت غلا سرحانه بأفكارها انتبهت الأيد ريما الممدوده بالجوال هزت غلا راسها بمعنى ليش؟
قالت ريما واهي مستغربه من سرحان غلا الزايد: غلا طلال ع الخط
خذت غلا الجوال من ايد ريما الممدوده وكلمت طلال: هلا طلال
رد طلال وهو معصب بعد ماانصدم من ريما: نعم شبغيتي خلصيني
غلا: طيب وشفيك معصب
طلال وهو يعلي صوته : مالك شغل ليه معصب اعصابي هي ولا اعصابك قولي وشبغيتي وخلصيني
غلا: طيب هدء اعصابك انا بغيت اقولك اني بروح مع ريما بيتهم
طلال بعصبيه: احسن وسكر الخط في وجه غلا
استغربت غلا من تصرف طلا
ريما: غلا وشفيك؟........وش قالك طلال
غلا واهي تفكر بطلال : ها ولاشي
ريما واهي رافعه حاجب ومنزله الثاني: طيب وشقالك وافق تجين معانا
غلا بشرود واضح: ها... اي اي وافق
في هذا الوقت دق محمد على ريما علشان يطلعون له
قامت ريما من مكانها واهي تأشر بيدها حق غلا علشان تصحيها من سرحانها : يلا مشينا محمد برى
مشوا غلا وريما لخارج مبنى الجامعه بعد ماسلموا على البنات
واول ماركبوا السياره قال محمد وهو حده متشقق من الوناسه: ياهلا والله باهلطله اشتقنا لعيونك والله عذبنا فراقك يالغالي خاف الله فينا خاف الله
وبعد الترحيب الحار قالت ريما: اوووه المود رايق حده اليوم ياترى هالترحيب كله لي ولا حق بعض الناس واهي تغمز بعينها حق محمد
احمر وجه غلا ووجه محمد المرايه على وجه غلا وناظرها وابتسم لها وهالابتسامه ذوبت قلب غلا وخلتها تقول في نفسها:ياربي هذا اللي ناوي يجنني
لاحظ محمد شرود غلا وخجلها فحب يحرجها زياده وقال: والله الترحيب كله حق غلا احد يشوف هالزين كله ومايهلي ولا وجهك انتي يجيب المرض>>>>زادت دقات قلب غلا اكثر واكثر وقالت في خاطرها معقوله يعني محمد جد يحبي؟.........وقطع حبل افكارها صوت ريما وهي مسويه نفسها زعلانه ووتفتح باب السياره وقالت: انا وجهي يجيب المرض يالخايس..انا الغلطانه اللي اركب معك خل غليووه تنفعك وانا بدق على السايق يجي ياخذني
ماقدرت غلا تمسك نفسها اكثر وانفجرت من الضحك:ههههههههههههههه
بعد ماسمع محمد ضحكتها داخ وراح فيها وقال في نفسه ياربي حتى ضحكتها تجنن وغير الناس ابي اشوف فيها شي طبيعي زي الناس ومايذبح مافيه كل شي فيها يهوس حتى رمشة عينها ذباحه ماقدر يدفن مشاعره بقلبه اكثر وقال : فديت هالضحكه الحلوه عساها دوم يارب
ولعت خدود غلا اكثر وعرقت وحست ان الأكسجين خلص من حولها من زود الحيا
هنا شبت ريما وقالت بصوت شوي مرتفع الأنها نزلت من السياره ووقفت تناظرهم من نافذة باب السياره : انتوا طايحين لي مغازل وانا حرقتني الشمس ومحد فيكم حاس فيني وراضاني
رد محمد اللي مازال دايخ من ضحكة غلا: ههههههههه اصلا لولاك انا ماجيت بهالقايله بس علشانك كل شي يهون يلا عاد اركبي بسرعه ولا بمشي عنك
ريما: لالا خلاص بركب وامري لله ...وركبت ريما السياره وعم الهدوء طول الطريق ماعدا صوت المغنيه اليسا اللي كان مالي السياره جو :


جوايا ليك احساس بيكبر كل يوم..العين تنام والقلب عمرو ماجالوا نوم
من كثر شوقي ولهفتي شايل هموم ..ارتحت لك احساس غريب بحسو
لما ببص لك وباحن لك لو حتى جنبي وباحضن قلبي باحن لك سلمت لك
اغلى ماعندي حتى قلبي فتحتلك ..عمري انا محتاجه منك كل نظره حنينه
روحي انا الثنيه في بعادك بكم مليوون سنه .. قلبي انااااا لما بتبعد عني
بيكون مش هنا


محمد في خاطره: ياربي متى بتحس هالبنت فيني وتعطف علي لهالدرجه هي متبلده الأحاسيس >>>>>>>في وقت ماكان محمد يفكر كانت غلا تفكر في محمد وظلت تعيد السؤال اللي محيرها من امس :
"معقوله محمد يحبني؟"
كالعاده صحتها هادمت الافكار ريما بصوتها المزعج بالنسبه لها: يلا ياالأميره النائمه وصلنا البيت ولا مو ناويه تنزلين
نزلت غلا من السياره ودخلوا كلهم البيت وصعدت ريما غرفتها مع غلا
علشان يغيرون ملابسهم ومحمد راح للمطبخ يسلم على امه
..........>>>>في غرفة ريما<<<<<
دخلت ريما الحمام وانتوا بالكرامه تأخذ لها شور وفي هالوقت غلا قعدت تغير ملابسها ولبست بنطلون جينز ضيق وتيشرت بنجابي احمر وطلع شكلها ولا احلى الان جسمها رشيق القوام ومفاتن انوثتها المليانه وطولها المناسب لجسمها زاد جمالها جمال، وقفت قبال المرايا وبما ان وجها الطفولي البرئ اللي يكتسيه بشره برونزيه خلابه ووجناتها المحمره حمره طبيعيه وشفايفها ممتليه وورديه وخشمها الناعم اللي لايق على وجها الطفولي فاكتفت بغلوس خفيف ورسمت عيونها بالكحل الأسود وركزت عليه مما برز جمال عيونها الوزيه ولونها عسلي فاتح وبالأخير اضافت لمسه جمليه اخيرا رشت عطر شانس وسرحت شعرها الاسود الناعم الكثيف واللي يوصل لنص ظهرها ورفعته بخفه بتوكه ناعمه وحطت الشيله على راسها ...خلصت ريما من الشور واول ماطلعت وطاحت عينها على غلا انبهرت من جمالها وقالت في خاطرها هذي اللي بتجيب لمحمد السكته
القلبيه ،صفرت ريما وناظرت غلا من فوق لتحت بنظرة اعجاب وقالت واهي تغمز بعينها: وش هالزين كله ..كل هذا علشان الغدا ولا حق منو..؟
ارتبكت غلا من كلام ريما وبين في ملامحها اثر الأرتباك وقالت: عيونك الحلوه ياحياتي اصلاً انا دايماً اصير صفر على شمالك<<غلا جميله بس كانت ريما اجمل بكثير من غلا ودايما يلقبون ريما بملكة جمال العيله>>
ضحكت ريما بتواضع وضربت كتف غلا بخفه وقالت: انتي ماتجوزين عن مجاملاتك هذي وراحت قبال المرايا تسرح شعرها الناعم ورفعته ونزل منه خصل بطريقه مبعثره مما زاد جمالها>>>> آاخ وينك ياطلال وينك لو تشوف ريما ياترى وس بيصير فيك؟
كانت ريما لابسه برمودا جينز وتيشيرت بدون اكمام لونه بني ونزلت مع غلا للصاله وتوجهوا لغرفة الطعام دخلت ريما وبعدها دخلت غلا ناظر محمد غلا بنظرات اعجاب خطيره تقط الطيرمن السما>>امحق تشبيه خخ
انحرجت غلا من نظراته ونزلت عيونها بالارض علشان تهرب من نظراته ودارت بعيونها حوالين الطاوله ومالقت مكان فاضي الا قبال محمد احتارت وين تجلس وتوعدت بداخلها في ريما لانها تعرف حركاتها البايخه
وجلست على الكرسي اللي قبال محمد بكل هدوء بعد ماسلمت على عمها وخالتها وحبت راسهم
عبووود:غلا وين مرح
غلا: في البيت
عبووود: ليش ماجات معك؟
غلا: الأني جيت من الجامعه مو من البيت
عبووود بقهر: مره ثانيه اذا بتجين بيتنا جيبي معك مرح ولا لاتجين..محمد مو احسن مني يجلس يناظر فيك ويستانس وانا لا>>بللل قويه حيل ياعبود
انحرجت غلا من كلام عبود وقامت من على الطاوله وصعدت غرفه ريما
عصب محمد من كلام عبود وخصوصاً انه احرج غلا بكلامه وخلاها تقوم وماتاكل
بومحمد وهو موراضي على اللي صار قال بنبره حازمه: عبود عيب عليك هالكلام هذي بنت عمك واكبر منك وبحسبة اختك ريما
ام محمد : قوم تأسف منها
قام عبود وهو منزل راسه ومنقهر الأن اول مره ابوه وامه يرتفع صوتهم عليه وصعد فوق يعتذر لغلا...
>>>يوم الخميس الساعه 8 مساءً<<<
ام محمد: يلا ياعيال انزلوا بسرعه خالتكم ام فيصل جايه بالطريق
>>>ام فيصل اخت ام محمد اللي اكبر منها وكانت مسافره كندا مع زوجها وعيالها بحكم شغله بالسفاره وجلست بكندا 5 سنوات وعندها بنت اسمها "شذا" وعمرها 21 سنه وولد اسمه "فيصل" وعمره 26 سنه ولما رجعوا للسعوديه قررت ام محمد تسوي حفله الأهلها بمناسبة رجوع اختها بالسلامه..>>وكان اول الحضور عايلة بو طلال دخلت ام طلال ومرح وغلا الصاله الرئيسيه وراح بوطلال وطلال واسامه مجلس الرجال عند محمد وبومحمد وبعدها وصلوا عيال خالهم الوحيد بو بندر((متوفي)) وماعنده إلا ولدين "بندر" وعمره27 سنه متزوج "ساره" وعمرها22سنه
اللي تزوجها عن قصة حب جامحه وصار لهم متزوجين سنه ونص ، والثاني اسمه"خالد" وعمره 24 سنه وجات امهم معهم وجاوا غير اللي ذكرناهم كثير بس هذي الأشخاص المهمه وبالأخيروصلت عايلة بوفيصل ......>>>>> ريما في غرفتها لسى مانزلت وكانت لابسه فستان تركواز بدون اكمام بس فيه علقات ناعمه مره ويوصل الفستان لنص الركبه وكان مخصر كثير وطالع عليها جنان وكانت فاتحه شعرها الخمري اللي مخصل بخصل عسليه(وهذا لون شعرها الطبيعي ) وعلشان كان الحفله كبيره شوي لفت بعض خصلات شعرها من تحت وحطت لها شدو تركواز وكحلت عيونها من داخل بالاسود الفاحم ورسمت عينها باكحل الاسود بعد ممازاد جمال عيونها جمال وبرز لونهم العسلي الغامق مره المحدده بالاسود
وبالأخير حطت غلوس زهري ناعم ولبست صدل اسود >>وانتوا بالكرامه
اللي يكون فيه خيوط تنلف على الساق ولبست خلخال ولما انتهت تجهيز وقفت قبال المرايا تلقي نظره اخيره على شكلها
:بتسرقين الانظار مني ليه حرام عليك؟
التفتت ريما تشوف منو يتكلم وقالت: ههههههه تسلمين عنوني ماعليك زود بعدين مو بس انا الحلوه حتى انتي بسم الله عليك طالعه(واهي تغمز بعينها)
عجيبه لو يشوفونك بعض الناس وربي أن ماطار عقلهم ماأكون انا ريما بنت عبد العزيز
غلا واهي مستحيه ومرتبكه: ريمووو وشقصدك؟(كانت تقولها بنظره حاده)
ريما: لا قصدي ولا شي يلا خلينا ننزل تأخرنا على الناس
غلا: يلا مشينا
>>>في مجلس الرجال<<<
بومحمد:حيالله بوفيصل والله لك وحشه مو طبيعيه يارجال
بوفيصل وهو مبتسم :الله يحيك وربي انا اكثر مشتاق ماتتصور كيف كنا نعد الأيام والليالي علشان نرجع للبلاد
بوطلال: بضحكه قال: بلادي وإن جارت عليا عزيزةٌ
بوفيصل وبومحمد:ههههههههههههههههه
بوفيصل هههههههوانا أشهد اسئل مجرب ولا تسئل طبيب
>>>في الجهه الثانيه من مجلس الرجال كانوا جالسين الشباب يتكلمون مع بعض، محمد:إلا اقول فصول يقولون هناك الحريم غير شكل بالله عليك كم بنت سويت معها علاقه للحين؟
فيصل: تبي الصدق صحيح حنا عايشين بمجتمع اختلاط بس علاقتي معهم ماتتعدى حدود الزماله
محمد وهو يناظر فيصل بنص عين : اتحداك عادي اعترف ماهنا غريب
فيصل: وربي ولا بنت لفتت انتباهي صحيح حنا متغربين عن السعوديه بس عاداتنا وتقاليدنا هي هي ماتغيرت ابد
كبر فيصل بعيون طلال كثير بتمسكه بالعادات والتقاليد وقال: ونعم التربيه أنا اشهد انك رجال من ضلع رجال
ابتسم فيصل: تسلم ياخوي ماعليك زود
بندر:إلا اقول فيصل ناويين ترجعون كندا مره ثانيه ولا نويتوا تستقرون هنا خلاص
فيصل بحسره: ياليت والله بس حكم الروم على المهروم لابنجلس هنا شهرين بالكثير وبعدين بنرجع لمقرنا
بندر: اهااا والله مابنشبع منكم
فيصل: شنسوي بعد الظروف ....
في هذا الوقت >>في الصاله اللي كانوا الحريم متجمعين فيها<<
اول مانزلت غلا وريما من فوق وكل الأنظار كانت متسلطه عليهم ثنتيناتهم والكل منبهر من جمالهم..
ام فيصل وهي تسلم على ريما: هلا حبيبتي والله كبرتي وحلويتي ماشاء الله عليك
ريما وهي مستحيه: هلا فيك خالتي عيونك الحلوه والله انك وحشتيني مووت ياخاله
ضمت ام فيصل ريما اللي ماتت برقتها وحياها وقالت: والله انا مشتاقتلك اكثر
بعدها سلمت ريما على بنت خالتها شذا: هلا شذا حبيبتي كيفك؟
شذا: بخير وانتي بشريني عن علومك عساك بخير ؟
ريما بابتسامه: علومي كلها تسرك
بعدها جلسوا الحريم لوحدهم والبنات لوحدهم علشان يرتاحون باسوالف
شذا واهي تناظر غلا بنظرات حقد واضح: إلا اقول غلا انتي وين وصلتي بالدراسه؟
غلا وهي مستغربه من نظرات شذا قالت: انا بسنه اولى بالجامعه وادرس انا وريما بنفس التخصص
شذا: اهااا وشنو تخصصكم؟
ريما:English
شذا: الله يوفقكم ..انا ادرس حقوق
ريما: وانتي بعد الله يوفقك قلبو..
**********************
- ياترى فيصل وشذا لهم تأثير كبير بأحداث القصه؟
- وياترى ليه شذا تناظر غلا بنظرات كلها كره وحقد وغيره مع ان صار لهم خمس سنوات مو شايفين بعض؟
- وياترى محمد بيعترف لغلا ولا بيسكت كالعاده؟ وإذا اعترف لها كيف بتكون ردة فعلها؟
انتظروا إجابات الأسئله بالبارت الجاي..
تابعوني