(( صرخة حب مجنونه ))
/
/
/
/
هما وبل الغرام وهلت مزونه على الولهان

ودارات حنايا القلب صرخة حب مجنونة


سقت قطراته العذبه خفوق العاشق الظميان

ألا لبيه يابحر الغرام و قطرة مزونه


أنا مالى وطن واحد..أنا لي في غلاه أوطان

خفوقه، ضحكته، دمعه،ضلوعه، وأسكن عيونه!!


حبيبي لو طلب روحي تجيه وما طلبت أثمان

غلاته دين في قلبي وألا ياما اكثر ديونه


علي إني احبه وأعشقه و أغليه مهما كان

وعلي أني أموت لشوفته ورضاه و اصونه


وعليه انه يداري خاطري كني (غصين البان)

وعليه انه يقدر لهفتي مادمت مفتونه



كذا نبقى حبايب ،، نقهر العذال و الخلان

نصون الحب مانرضى نذل الحب نخونه



ألا وش قيمة (أهل الحاشيه) في حضرة السلطان

حبيبي لا حضر حرك شعور القلب و شجونه



أنا قلبي سفينه و الحبيب بوسطها (الربان)

والي من غاب ما تمشي السفينه يوم من دونه



غلاته سوت بقلبي سواة اللي سكنه الجان

تمكن حبه بقلبي وصرت اليوم مسكونه!!



أحاسيس الغلا يمه تزيد و ما بها نقصان

سطى حبه على قلبي و بيح كل مكنونه



تمكن في الضمير ..وفي الوريد..وداخل الشريان

وسكن في أصغرخلايا العقل و مخوي على ظنونه



والي مني بغيت اكتب قصيدى ،، يسكن الاوزان

يساحرني وأنا أكتب له قصيدى و أبدع لحونه



أنا أدري به حبيبي ..في هواى العاشق الولهان

وهو يدري بي أحبه و فيه أصبحت (مجنونه)!!!
/
/


**** (القصيده)للشاعرة أمل بنت عبدالعزيـــز****

أتمنى من صماااصيــــــــم قلبـــــي تعجبــــكم!!!!
أبي تفااعل وردووود ششششيييييييييي؟؟؟؟؟؟
لكم منـــي كل جـــــديــــــــــــــد
مع خالــــص حبـــي
*** طــــــــوق الياسميـــــــــن***

*** طــــــــوق الياسميـــــــــن***

مشكوره على القصيدآ الرائعه والمميزه

تقبل مرور .... قناص المدينة

والله رووووعه
لكن عندك مشكله مع الخط
صغيرون مره عمى عيوني

تشششكرين ياطوق الياسمين حبوبتي على هالأبيات
وعلى جميل ذوقك في الإختيار

تقبلي مرور
أختك
وررردة تقااااااوم

تسلمين يالغاليه
لكي حبي