مادام قلبي من عرفتك يبديك
حتى على نفسي ولك صار منزال
ادري مقصر يابعد كل مغليك
بس السموحة والعذر جاك مرسال
اغليك واللي يحفظك لي انا اغليك
وحبك سطى فيني من الجال للجال
من زود حبي لك تمنيت اياديك
تلتف حولي كنها سجن واغلال
ومن زود حبي لك تمنيت اناديك
يازوجتي يادنيتي يا هوى البال
ومن زود حبي لك تمنيت الاقيك
امي واختي ولا وبعد يمكن الخال
ما ابغى اشوفك ضايقة قولي اش فيك
ان كان مني جعل ما القى لي ظلال
ياعلني ما فيوم ولا لحظه ابكيك
يا اللي بنيت بجيتك كل الآمال
قولي حياتي وش تبي مني؟ اعطيك
لو تطلبين الروح ترخص لك الحال
وانا بدم القلب والروح شاريك
يا اغلى من الدنيا واغلى من المال
الشعر ماظنيت بالحق يوفيك
لو جبت كل الشعر في مدحك جبال
من زود حبــــــــــــي لكـــ
العرض العادي
