هذي قصيــدة لي وحده من بنات ...... تملك قدرة شعرية كبيرة
لكن اسمها غير مشهور
.... توقع لها مستقبل باهر في الشعر
أسمهــا : عنود الصيد ....
اتركم مع قصيدتهــا
هو جرحني هو ذبحني هو تركني هو نساني
..................هو قتل فيني حنيني بكل رغبات الشفاحه
ياااه منه ياااه مني كنت أشوفه شي ثاني
.................كان همي كان دمي وكانت جراحي جراحه
آه ياخيبــة حــنـينــي يـاأنيني ياهواني
.................ياضياعي من طباعي وطيبتي كانت وقاحه
هي تعاسه هي خباله هي بدايات لـ جناني
............قمت ابمسح له دموعه شاف دمعي واستباحه
بنت عز وطحت طيحه طحت لحظة ماجفاني
...............كن ذلي ذل شيخ(ن) طاح والطيحه صياحه
إن رفع صوته تحرك جرحه اللي في المحاني
.............وإن بكا بشويش يدري ماورا (بشويش) راحه
آه من جرح(ن) تغطرس في خفوقي وأحتواني
............كن جرحه لي عدو(ن) يغرس بصدري رماحه
إيـه أحبه إيـه أحبه إيـه أحبـه هالأنـــاني
.........ويش أسوي في شعور(ن) كرر الذنب ابجاحه
أدري إنه قد جرحني قد ذبحني ثم نساني
.......لكن أحساسي في حبه فاق أحساسي بجراحه
بنت عز وطحت طيحه طحت لحظة ماجفاني
العرض العادي
