صفحة العمر خطت فـوق سطـرك بنانـي واختلـط حبـر دمـي مـع بياضـك ولـونـي



اخـر الوقـت غربـه و اولـه مـن زمانـي والعمـر درب غـادي تقتفـي بـه ضعونـي



اه يـاوجــد حـالــي وش يـفـيـدك حـنـانـي عقـب منتـه بغـالـي ارخصـتـك العيـونـي



تـدري ان كـل عـرق ٍ فـي فـؤادي يعانـي وتدري الناس من كثر الخطايا اظلموني



احـتـرم كــل شـخـص ٍ بــس الا الانـانـي واحشم اللي على طيب الفعل صافحوني



اسمع اسمع تـرا مافـي المحبـه هوانـي واصعـب فـراق مـا هـز بغيابـك جنـونـي



يـاغـديـر ٍ قـراحــه قـبــل مـــده روانــــي لين لانت عروقي مـن ظمـاي وشطونـي



كـم نعاتـب ونصبـر كـم علـيـت وعـلانـي وكم زعلنـا وطبنـا وكـم جفيـت وجفونـي



قـصـه ٍ تعتبـرهـا وخــذ عليـهـا ضمـانـي لا تـحـب المقـفـي ولا تـصـيـح مغـبـونـي



انـت عـادي غـديـت واطلقـتـك المحـانـي بــس تبـقـى مـجــرد ذكـريـاتـي وكـونــي



امحـق احسـاس الا ابـرك اللـي دعـانـي لجل اعرف ان دمعي غالي ٍ في عيونـي



انت فـي بالـك انـه سهمـك اللـي رمانـي تبـطـي سـهـام غــدرك ماتـجـدد طعـونـي



اقــدر احـزنـك واجــدد وجـعّــك بـثـوانـي بـس اهلـي علـى طيـب العلـوم انجبونـي



قالـوا احـذر قبـل تـجـرح ذلـيـل وجبـانـي ومن عقبها وانا ابعد عن هوان ٍ ودوني



عــز راســي لنفـسـي ماخذيـتـه مُـدانــي وكان قصـدك جروحـي للوفـاء وردونـي



شف شموخي وانا انزف ياقليل المعاني مـا انحنـي للزمـن ولا تغـمـض جفـونـي



الشاعر :: خالد المري

قناص المدينة