في غربتي ، عارضت أنا ركب الأغراب

أشد وأنزل والليالي ركايب

أضداد وأقران وعدوان وأصحاب

متناقضات الخلق ماغاب غايب

أسهر معا تهويم نجمات الأحباب

حتي يصير النجم بالصبح غايب

أصبح على فجرٍ ضحوكٍ وعجاب

وأمسي على همسات ستر العجايب

وقامت تجاذبني على درب الأسباب

نفس الشباب يحدها عقل شايب

مشيت في رمضا وسنّدت بهضاب

وعارضني سيول وهبّت هبايب

وأمسيت في صحرا و قيّلت في غاب

ومن طاول الغربات شاف العجايب

مرتني الدمعه بها الوجد ماذاب

في غربة الأشواق راحت هبايب

مرتني البسمه تقل فوقها حجاب

وراك خجلي يارسول الحبايب

والحب مريته غريبٍ على باب

عقب القصور أمست قصوره خرايب

بغيت أسلي خاطره عقب ماشاب

لقيت ماله بالتسلي طلايب

أقفى مع المقفين وجلٍ ومرتاب


على عقوق الوقت بالحيل عايب

في غربتي مريت رجلي وركاب

أرزاق من رب الخلايق وهايب

ســـالفــه عشـــاق

مشكوره

بصراحه مادري ويش اقول بس


قناص المدينة

صح لسانك يا دايم السيف



وتسلم يمناك يا قناص على النقل

مشكور على مرورك

قناص المدينة