مراااااااحب حبايبي



كيفكم ؟


قصيده اعجبتني فنقلتها لـكـمـ .



الدار عقبك صار ظلمـاء بـلا نـور
لا وعذابـي ياعـيـون الشـقـاوي

يومين مـرت كنهـا تسعـة اشهـور
يارب منـك الصبـر مانـي بقـاوي

انا اشهد انـي منـك ياسيـد الحـور
يابـو عيـون مثـل عيـن النـداوي

محتاج لي فاليـوم عشريـن دكتـور
حالي صعيـب ولانفـع بـي مـداوي

حال الصويب اللي شكى الساق مكسور
ومـدوخ ربعـه بكثـر الشـكـاوي

احدن ترفق به وساعد علـى الفـور
وحدن جزل قلبـه بجـزل العطـاوي

واحدن كشف سر عن الناس مستـور
يوم جمـع العربـان جايـه عـزاوي

الحب بلوى وطاقهـا القلـب بسـرور
وانا اشهد ان القلـب يانـاس غـاوي

قلبي نهاني مير ما طعت انـا الشـور
بين الأهـل عايـش وكنـي خـلاوي

عن مثلها يازيـن منهـي ومامـور
حتـى ولـو قلبـك عليهـم شفـاوي

ياسيد عود وانـت راضـي ومشكـور
ان كان قلبـك فيـه رحمـه وتـاوي

ولا تـرى بشكيـك لشيـخ منصـور
واقـول لـه ياشيـخ خلـي جفـاوي

راح وترك دمعي على الخـد منثـور
ماهـو غـلا لكـن طبعـه خطـاوي

يهـوى يعذبنـي ولاهـو بمجـبـور
دايـم علـى تعذيـب قلبـي هـواوي


ماكفـاه تاركنـي للأحـزان ميسـور
واقولـه عـود ولاهــو بـنـاوي

ان شاف مني شين ياشيـخ معـذور
يقولهـا واعيـش عقبـه جــلاوي

ولا يجي سيـدي مكلبـش ومخفـور
ولا شيل هـرج مكثريـن الحكـاوي

ولا ترى قبري مـن اليـوم محفـور
وان مت لاتبكـي عيـون الشقـاوي



لشـــاعر :
اســـيـــر الــحــيـــره



دمتم بود :

ســالفـه عشــاق