انا عاطفي ووسيع خاطر وبــــــــــال
قلبي خضر لكن لوحده وبلحالهــــــــا

احبها واغني لها طاروق ومــــــــوال
وابني لها من بيوت الشعر اجــــزالها

قلبي لغيرها ماذكر بيوم مـــــــــــــال
حتى ولو مال ما يميل الا لهــــــــــــا

لعنبو غيرها احبها فوق الخيـــــــــال
وعيني عليها هملها على جالهــــــــا

تدري بحبي مافيها شك او مجــــــال
وتدري بغلاها ويروقها ويحلى لهــــا

معي في كل لحظه وفي كل حــــــال
ما افتقدها وعندي ايميلها وجوالهــــا

انا مروق ومزاجي اليوم عال عـــال
وفي كل يوم يروق المزاج باتصالهـا

لبا غلاها لبا هواها لبا هاك الجمــال
لبا غنجها لبا دلعها لبا دلالهــــــــــا