الطفوله
أحلى مافي هالحياة
مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني
بسمه فينا ترتســم
..
كنـّا نركض
خلف كوره ... ( لا لا أنا ماكنت معهم !! )
وحدي بس بعيد عنهم ... كنت أنا أضحك عليهم
جالس لحالي أهذري ... جالس أحسب كم ( كوبري )
صلـّحه ( أحمد ) في ( ماجد ) ؟؟
والله واجد!! ...
وقبل ما يحل الظلام
للبيوت نروح نجري ... ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم !
وهم عني يبعدون
يبعدون ... يبعدون
إلا ( ماجد ) !!
كان مثلي حيل ضايق
بس حزنـي كــان حارق
كان يسألني ببراءه :.
ليش تعرج ؟ ... قلت مادري ! ... باستياء
ليش تبكي ؟ قلت مابكي ... بكبرياء
ضاق مني .
ثم سألني في غباء ..
قال ( وثرايك تـثــابق )؟؟
وراح عنــّــي ... !.
كنت أسأل دوم نفسي .
ليش ما أركض معاهم ؟!!
ليش دوم أمشي وراهم ؟!!
وش بلاي ؟!! ... أو وش بلاهم ؟!!
ليه أنا غير الأنام ؟!!
زاحمتني الأسئله...
كل شيٍ أجهله ؟
وإن تعبت من الإجـــابه..
أحظن الحيـــره وأنام ..
مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت .
أفهم إني شخص ( عاجز ) !!
يعني بيني وبينكم
مليون حاجـــز !!!
صدقوني ذي حقيقه ...
لا طلعت السوق ... كل ما أمشي دقيقه
القى كل شوي أبله !!
يمشي ويناظر صديقه ..
ويغمز له
يقول : ناظر ...!!
وش يناظر ؟!!
وتتفجّــر في خفوقي
ألف ضيقه ووحده في وسط الزحام .
طالعتني باهتمام .
بنت في عمر الزهور ... أي رشاقه ... وأي أناقه .
وأي عطـــور !!
قلت في نفسي ياهوووه
هي تناظرني بغرام ؟!! ... أو هي نظره والسلام ؟!!
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت .
لي قصيده .
كنت ناشر معها صوره
بس صوره ... ياسلاااا م
وفاجأتني .
لمـّا صارت لي قريبه ... كانت تـمـتم بطيبه
{ ي**ر الخاطــر حـــرااااام ) !!!
وتركت دمعه غريبة ...
وضاعت بوسط الزحــام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني .
أصعب اللحظــات وأقسى
لاغدا الرجـّــــال ي**ر ... خاطر انثى
كيف ينسى ؟؟
جاوبوني !!.
وزاد همّــي .
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي .
مهما طالب ... لويلف ولو يدور
زين لو حطـــّــوه كــاتب
لا ... وعلى بنــد الأجـــــــور .
ماهو رسمي !!!
....
صدقوني لو تدرّج ... وصار راتبه ايتصاعد
وابتــدا وضعه يزين
ما أظنه بيتزوّج ... حتى لو بعد التقاعد !!..
وفي النهــايه .
يابلــدنا... مهما كانت ( تسميتـنا )
عاجزين ... ( معوّقين )
لك عهدنا ... وذا قسمنا :
أقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصنٍ حصين
إنتي ناديني وشوفي ... لا نويتي بالجهــاد
والله أقهر لك ظروفي ... د*** إنتي لي بــــلاد
وباسم كل العاجزين .
دام فينا أصبع يطول الزنـــاد
لا يهمــّـك يابلادي .

مرررررررة تبكي
مشكور ماسك ويديك الف عافية

عنجد يعطيك الف الف الف عافية على الشعر الرائع

قمة في الابداع والروعة والجمال

عنجد لساني يعجز عن الكلام ويدي تعجز عن الكتابة

لما رأيت وما خطفته انظاري في هذه الخاطرة

جزاك الله الف خير على موضوعك يا اخي ماسك


تقبل مداخلتي

من اختك











فتاة اللون الزهري

عسولة اللة يعافيكي علي المرور
فتاة اللون الزهري شكرا علي المرور

آآآآآآآآآه

آهات تمتمتها خلجات قلبي
ماأصعب ان تكوون بقمة القدرة والاستطاعه ,ومن حلوك ينظرون لك أنك في قمة العجز وعدم القدرة لفعل أقل القليل..

قمة التحطم ماتراه في أعين من يراه ينعكس على احاسيسه بألم يعتصره..

لكن ليس العجز عجز الجسد العجز عجز الروح والعقل ..

أخوي مااسك الباب لك تشششكراتي على تلك الكلمات التي هززت الاحزان .ز

ورررردة تقااوم