--------------------------------------------------------------------------------

اآسفه انا في حبي لـك تسرعـت ...ظنيت الاقـي فيـك شـيٍ فقدتـه

كنت احسبك مجروح مثلي تولعـت ...جربت فرقى شخص قلبـك وهبتـه

كنت احسبك من مر جرحك تجرعت ...حبيت فيك احساس طفـلٍ لمحتـه

لوقلت آآآه بوسط روحي توجعـت ...ولو شفت دمعاتك شعوري سكبتـه

ولو تطلب اعيوني ابد ما تمنعـت ...واعطيك قلبي لو بعد مـا طلبتـه

وصلت بك..... اعلى مكان وتربعت ...وفي قلب غيري ياالغضي ماوصلته

واصبر على صدك واشوفك تدلعـت ...واعطيك ود ومـا اظنـك حسبتـه


ذهلتني بطباعك اللـي ...تطبعـت ...حتى قصيدي فيك ابد مـا فهمتـه

لو كان غاياتك حروفي فانا بعـت ...وافرح بجرح الشاعر الي جرحتـه

وأرجوك من صدك تراني تشبعـت ...خلك مع اللي عاجبـك او عجبتـه

يكفي قهر في جيتي لك تواضعـت ...تركت غيرك لجـل عينـك وبعتـه

ياليتني عـن حـب مثلك..ترفعـت ...ياليت قلبي قبـل اعرفـك دفنتـه

لكن اببعد دامني بـك توهقـت ... الله يرحـم حبنـا اللـي ذبحـتـه

انا شريت الود والحين انـا بعـت ... وانا عطيتك قلبـي اللـي قهرتـه

في يوم جيتك اطلبـك ود واقنعـت ...نفسي بانك شخص عادي عرفته

كمل حياتك مثل مـا انـا توقعـت ...تبقى اسير الماضي الـي فرضتـه

ولا يحزنك اني غلطان وتراجعـت ...حولك بدالي ألف شخـصٍ عجبتـه

اما انا لا يمكن اخضـع ولا طعـت ...يحرم علي اعطيـك قلـبٍ خذلتـه

باريّحك من شوفتي يـوم قاطعـت ...اسلوبك اللي بـة تجامـل كرهتـه

غلطان يا المقفي انا مـا تتبعـت ... غيري يتابع خطوتـي مـا تبعتـه

ما ينحني راسي لو انـي تقطعـت ...وما هو انا من لا رميتـه لقطتـه

وان كان غرك حكي عذالي وطعـت ...الله يعلـم كيـف قلبـي سكنـتـه

اللي ملا قلبـك علـي وتسمعـت ...خله يعوض شخص مثلي خسرتـه

انـا بمـا فيـة الكفايـة تولعـت ...واللي بقى من قلب فينـي حرقتـه

باول لقا سلمتة احساسي وضعـت ...غلطت حياتي يـوم قلبـي سلبتـه

واستسمحك فالبعد كاني تراجعت ...ما عاد ابلقـى فيـك شـي فقدتـه

طبعك مثل غيرك وطبعي كما كنـت ...احب شخـص ولا تركته...تركتـه!!!

وان شفتني صدفة بعينك تطلعـت ...ذكرتني با نسـان غالـي فقدتـه

__________________

وسلامتكم



~*¤ô§ô¤*~*¤ô§ô¤*~قناص المدينة~*¤ô§ô¤*~*¤ô§ô¤*~

وأرجوك من صدك تراني تشبعـت ...خلك مع اللي عاجبـك او عجبتـه
.......................................

ياليتني عـن حـب مثلك..ترفعـت ...ياليت قلبي قبـل اعرفـك دفنتـه

لكن اببعد دامني بـك توهقـت ... الله يرحـم حبنـا اللـي ذبحـتـه
...................................
اما انا لا يمكن اخضـع ولا طعـت ...يحرم علي اعطيـك قلـبٍ خذلتـه

اما انا لا يمكن اخضـع ولا طعـت ...يحرم علي اعطيـك قلـبٍ خذلتـه
(والله يحرم علي اعطيك قلب خذلته)
...............................

أبدعت ابدعت ابدعت بنقلك اخوي بجد لامست الكثير من الخواطر والخلجات التي بين جوانحي

لك تششششكراتي المنمقه بالأعجاب على مانقلت

أخوي قناص
تقبل مرور
أاااختكم
وررررردة تقاوم

صح لسااااااااااااانك مليون القناص



وتسلم على النقل الرااااااائع

مشكورين على مرورك



قناص المدينة