صبآح / مسـآء الآشعآر والآنوآر..
هذي قصيدهـ.. رائعة للشاعر المبدع الي احب اسمع واقرا له الشاعر: حامد زيد.
بعنووِان.
.يقووِلووِن..مآلايفعلووِن..<<< وصدقَ واللهـ.. الشآعر..صح اللهـ لسآنه..
ما بقى إلا سود الأيام تحرمك الرقاد
كيف الأوهام تجرا تسريك مغبون
من متى تجزع من الدمع وتخاف البعاد
من متى تقفي بك ظنون وتجيبك ظنون
صرت تأخذ كذبتي صدق ومزاحي وكاد
لو باقول إني بأخونك تحسب إني باخون
ما تعرف إن كل شاعر يهيم بكل واد
وإنهم دايم يقولون مالا يفعلون
ابك أنا لو قلت أبنساك وأنكرت الوداد
والله أني ما نسيتك ولا هم يحزنون
من جزع من صفعة الشمس يطمع بالبراد
ومن فقد وجهاته الخمس يلقى بك ركون
اعتبرها هفوة إنسان أو كبوة جواد
لوبتسمح فانت غالي ولو تجرح تمون
عد صداتك مروه وطعناتك ضماد
خلهن لاراحن طعون ولا ردن طعون
خنجرك يستاهل الطعن ومتوني شداد
ومنك يازين الخناجر ويابخت المتون
رد لي حنية المزح بإحساس الجماد
خلنا واحد يجي صلب والثاني حنون
موت فيني واندفن فيك في ثياب الحداد
وان حييت اموت لارضاك واحيابك بهون
مره ارقد بالكفن وانت ترقد بالمهاد
ومره ارقد بالمهد وانت ترقد بالكفون
ادري ان شجونك شجون وعنادك عناد
والبلا ان عنادك عناد وشجونك شجون
ربك الي سخرك لي تقود وما تقاد
والله الخالق ولله في خلقه شئون
ازرع ضلوعي من رضاك وابشر بالحصاد
نعنبوا من جيت ترضيه وترد محزون
بس تسوى لك بلد قول تسوى لك بلاد
انت كل العالم بكون ولحالك بكون
ما بعد محبتك حب ومرادك مراد
غير كونك سيد حشاي تدري من تكون
نعمتين اختصوا الخلق من جود الجواد
كافل الأرزاق من حيث مالا تعلمون
البنون ونعمة المال في عيون العباد
زينة الدنيا بلا شك في كل العيون
مثل زينة دنيتي بس عندي شي زاد
من عرفتك صاروا المال وانته والبنون
انتشي بك نشوة التيه لعناق الرشاد
وافزع لك بفزعة القرم لشهاق الزبون
وأحصنك تحصين الأرزاق عن درب الفساد
واعشقك عشق المظاليم لفراق الشجون
لو تزيد الشوق جمرة تحولني رماد
لو يزيد العشق شعرة بوصل للجنون
خل هقواتك كبيرة ونظراتك بعاد
كانك انت بكبرك تهون من الي ما يهون
ازعلك وارهن حياتي تحت رحمة زناد
تهبا لا والله إلا أنت والموت تهبون
عاد إذا لا رضاك هرجي ولا الي قلت فاد
إنا لله وإنا إليه راجعون
وأنت باكر بتعرف على ناس جداد
والكلام يجيك من كل شكل وكل لون
لا تحسب ان كل كلمة بتسمعها وكاد
ولا تصدق هرج شاعر وتخدعك الضنون
دايم اعرف كل شاعر يهيم بكل واد
وإنهم دايم يقولون ما لا يفعلون
حتى انا الي قلت اعشقك وما اطيق البعاد
يمكن اطلع لا عشقتك ولاهم يحزنون.
يقووٍِلووٍِن..مآلآ..يفعلووٍِنــ
العرض العادي
