بسم الله الرحمن الرحيم
السلام عليكم ورحمة الله وبركاته
هذه قصيده للشاعر الامير بدر بن عبد المحسن
وحقيقه اعجبتني واتمنى ان تحظى على استحسانكم
ورضاكم
-------------------
كل ارضٍ تشيلك .. يا ثقيـل الحمـول
وكل وقتٍ كريـم بالرضـى والزعـل
وين ما رحت تلقى لك حبيب وعـذول
وين ما كنت تلقى مثـل ياسـك امـل
يا طريق الترجـي والولـه والنحـول
والله اني مشيتك . ليـن حـد الثمـل
ما لقيت فوصولي لغير قبري وصـول
ولا عرفت فحياتي مثل عرفي الجهل
لا تظن المسافر من يسـوق الرحـول
من وقف دون حلمه .. عاجز ما رحل
وما المخلوق منجا في الحذر والجفول
ما تصيب السهام ولا يطيـش الاجـل
الليالي خـوات ميـر منهـي البتـول
والحوادث عشاير ميـر ويـن الفحـل
ليلة لك وليلة بالفـرح مـا تطـول
وليلة مـن شهدهـا ذاب راس الجبـل
اتذكر فعيـن الشمـس طفـل خجـول
شالته في هدبهـا وقـت ليـن اشتعـل
اعجب الناس وهجه بالجدل والفضـول
مادروا عن جمال الجرح ليـن اندمـل
والله اني كتبته في العطـش والذبـول
لين غصنه تغطى بالـورق واعتـدل
والله اني كتبتـه ليـن قـال الجهـول
والله انـي كتبتـه وانتشـى واحتـفـل
ما اتفه الشعر كانه الحكي اللي نقـول
لا تعـدى المديـح ولا تعـدى الغـزل
ان لثمت الزهور وصاحبتني الحقـول
ماهقيت ان صافي الشهد عيب النحـل
ما بقى في ضلوعي كود ريح معمـول
وثوب شاش عليه مـن الندامـة وحـل
التفت للطريق ومـا عبـر منـه زول
في جفوني تزاحـم عبرتـي والوجـل
طلـت يالعمـر ولا قلعتـك لا تطـول
طاولتنـا الليالـي بالسهـروالملـل
ان تعبنـا نحـب ولا لقيـنـا قـبـول
مـا تسـر الامانـي ولا يفيـد العـذل
لكـن الله كريـم وكـل هـم يــزول
ما على الله بعيد .. ولا جفاك المحـل
كل ارض تشيلـك يـا ثقيـل الحمـول
وكل وقـت كريـم بالـرضى والزعـل
تحيـــاتي العطــــره
كل ارضٍ تشيلك .. يا ثقيـل الحمـول
![[ Thanks Pink & Candy 3hood ]](images/Pink-Candy/Pi-Ca-87.gif)
العرض العادي
