منفي من الموضة وادور كل ما اشوفه جديـد
عكس الرواة وكل ما قالوه اشبـاه الـرواه

قصيدتي هذي نتاج الهـم واحـزان القصيـد
تبكي من اجرام الادب والشعر طايح مستواه

انا الغريب اللي قعدت هناك في الركن البعيـد
مثل العمى اللي علق آماله على مسكة عصاه

اذا الشتاء حول حياتـي كلهـا بـرد وجليـد
زقـارة الدخـان مزتهـا اترجعنـي ميـاه

متثبت مثـل الجبـل متقـوي مثـل الحديـد
متوكل بالله علـى درب الكرامـة والغنـاه

متناثر مثل الهوى واخذ من انفاسـي واعيـد
اتبع هوى نفسي وكل انسان يمشي في هـواه

اصحابي لا صاروا مع العدوان خلوني وحيـد
ما عاد يغريني على الدنيا مكان ولا اتجـاه

اصحابي العدوان شوفوا الدمع يتناثـر شهيـد
ادفن من دموعي امم واطلب من الله النجـاه

اطيب وادور رضاهم مـا لقيـت الا الجحيـد
احاول ابعد من مماشيهم وصارولي حصـاه

اكبر العقـل ولقيـت انـي افيـد ولا استفيـد
انسان ينزل لتواضع من سماه الـى سمـاه

مشاعر صارت لهب وتقول ياهل من مزيـد
وانا اضيق وما يوسع خاطري الا الصـلاه

ياليتني ماني انا وياليت مـا عنـدي رصيـد
دنياي هذي كلهـا دنيـا المظاهـر بالحيـاه

اشلون اغير مجتمع مـا يسمـع آداب النشيـد
لازم اغير شاعر مسكين تايـه فـي غبـاه

ما دامها يا صاحبي حكـام سـادات وعبيـد
اكبر غني بالمجتمع ياطي على باقي الرعـاه

النقص يمشي بالبني آدم كل ما شفتـه يزيـد
كم واحد يمشي بهالدنيـا كـذا علـى عمـاه

لاشفتهم صاروا كذا برحل من الحزن الاكيـد
اسابق انجوم السما اصيح انادي لـي فتـاه

راحت علي اغلى نساء الارض يا الحظ العنيد
مكانها صعب المنال ودايـم تمشـي معـاه

اطول من اطراف النخيل الشامخات ام الجريد
قلبي لها مثل الوطن كنها تربى فـي حشـاه

ما تشرب الا الزعفران واكلها الطلع النضيـد
ما تمشي الا من على السندس ولا تلبس سواه

ما تمشي الا كبرياء الخيل في اليـوم الشديـد
فيها من اطباع الاصايل خجلتن مثل المهـاه

كن الشوارع تستوي مـن مشيهـا ولا تحيـد
والورد من تحت القدم ولهان يعطيهـا شـذاه

ما كنها وسط الجهل الا كمـا الـراي السديـد
حبيبتي من كوكب الحلوين ما هي مـن وراه

ابنتظر في كل سكـة مـن محطـات الحديـد
ابترك آمالي على المينا وابتحـرى عطـاه

ابنتظـر وابنتظـر الفـال والحـظ السعيـد
اوجد حال اللي يجر الصوت ما يسمع صداه

شفني تنرفزت وكتبت آخر نتاجـك يالقصيـد
قصيدة تسوى جبال الطويق وجبال السـراه


مع تحياتي,,, جوجو
انتظر ردودكم...
ههههههههههههه

وهذي صورة لناصر بن دهيم









يهبل بسم الله يجنن
تقبلوا تحياتي .. جوجو

تسلم على الرد وصح بدنك
مع تحياتي ... جوجو

مشاعر صارت لهب وتقول ياهل من مزيـد
وانا اضيق وما يوسع خاطري الا الصـلاه
...................
ياي ياي وااثق من عمره الأخ

بس حلوو شعره يطرح اكثر من موضوع فيها

تشكراتي ياابنوته ياأحلى من التوته على النقل
تسلم يديك ناقلتها