قصص عن الزواج والخطوبه مره تضحك لا تفوتكم

عاشق آهاتي · 05-26-2008, 02:33 PM

قصص عن الزواج والخطوبه مره تضحك لا تفوتكم (منقولة)

ابي كل الي يدخل يقول عن مواقف مضحكه صارت له
قصص تموت من الضحك عن مواقف الخطوبه والزواج ،،، لا تفوتكم

قصص عن مواقف خطوبه وزواج مضحكه

واحد طلب يد اخت صديقه ولما جا يبي يشوفها قاله صديقه خلاص
انا بقولها تجيبلي كاس ماي وانت تعال غرفتي انخش وشوفها

( لان البنت خجوله كلش) المهم جا الموعد وجا الرجال ونادى اخته..

وجات الاخت وهي تفحط... ( ماسكة الصينيه على شكل دركسون

وهي ماخذته سياره وتفحط) هههههههه

المهم يوم تزوجها قال لها القصه وماتت من القهر وكانت راح

تذبح اخوها

وحده جاب زوجها تمر وجلس يأكلها واستحت من رجلها تطلع

النواه قدامه .. قامت تبلع فيها وهو يعطيها تمر وهي تبلع (خبله)

وبعدين ودوها المستشفى

وحده جات بتخطب صدقتها لاخوها . عزمتها في بيتهم وقال لاخوها طل

عليها من النافذه وشفها اذا عجبتك نخطبها لك . وافق الولد ولما جات البنت
قدمت الاخت لصديقتها شكولاته . والبنت معيا تاخذ وذيك تلزم عليها. والبنت

مصره ماتاخذ . ولما طلعت علشان تسأل اخوها عن رايها في البنت . الاخو

شاف البنت وهي تاخذ من الشكولاته وتخش في شنطتها ولما سألته

اخته عن رايه قال موافق على طول . وتم الزواج

وفي ليلة العرس يسأل الزوج البنت : وين الشكولاته اللي خذيتيها

واحد في ليلة عرسه جالس في زاويه وزوجته في زاويه يكلمها مستحيه وتطالع الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها ..
الرجال من كثر مايكلم نفسه وبنت الناس ساكته قال خلني بسكت وأشوف وش تاليتها معها .. يعني ثنيناتهم سكتوا ..
شوي يوم جو أخويا الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه ثانيه شباب ثانيه !!

هذا واحد أخوياه ماينلعب معهم ..
يوم عرسه مروه ربعه وقالوا يالله مشينا الحلاق نسمكر وجهك ..
يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس ..
مووووووووووس ..
المهم أنهم حلقوه موس والمعرس قفلت معه ولا قدر يسوي شي ..
يوم جا العرس طق الطاقيه والغتره ومشى كل شي سليم ..
عاد يوم جا في البيت لازم يشيل الغتره موب على طول بتبتل كذا ..
يوم فصخ الغتره وطلعت الصلعه البنت قالت ذا مهبول ولا فيه بلا ..
ولا أحد يحلق مووس يوم زواجه ..
اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت في نفسها أبوي ذابني على واحدن مامنه رجا !! ) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى هاك اليوم على خير ..

ثنين توهم متزوجين ..
أول ما رجعوا لبيتهم الا زوجها مجهز لهم عشاء ..
أختنا في الله الدنيا مسودّة قدامها من الجوع ..
ما ذاقت الاكل من أصبحت من زود ماهي مشتطة ..
ورجلها يناديها يبيها تاكل ..
البنت مستحية وما تبي تاكل قدام رجلها .. بس انها جوعاااااانة ..
قالت له لا تسلم أنا شبعانة ..
يقول لها يا بنت الحلال تعالي كلي لتس لقمة ولا لقمتين ..
والبنت تقول أبدا الله مير ينعم به ماله محل ..
ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) .. قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا ذا الي يمد لها كاس الموية يقول لها سمي خليه ينزل الاكل في بطنك

اتمنى الموضوع عجبكم

السيف · 05-26-2008, 03:02 PM

ههههههههههههههههههههههاهههههههههههاي فديتكـــ انت وعلوومكــــ بس والله انا ماتزوجت لسع عشان اجيب موقف بس والله فية واحد من الربع هههههههههاهههااي<< <يضحكــ قبل السالفة شكلها قوية..

المهم الرجال ميت مووت فجأة قفز عليها الله لايوريكم بس.... الساعه4 بالعناية المركزةههههههههههههههههههههههههههههههههههههههههههه هههههاهههاي مابي ادخل بالتفاصيل بس والله الرجال تورط مايدري اشلوون يرقع السالفة.......المهم انكشفت امووورة وللحين تعليقة ربي يستر ويكافي
هاااه بس ذي بعد الخطوبه<<قبلها يوم جاء للنظرة طارت عيوونة فووق من يوم شافها وداس ع الطاولات ووقع الرجال وكسر الاغراض ههههههاههههاي

عاشق آهاتي · 05-26-2008, 07:48 PM

ههههههههههههههههههاي

الســـــــــــــــــيـــف

شكرا على ما اتحفتني به بجد عاد الموقف هذا خطير

اشكر على هذا التواجد الجميل و الراااااااااائع

تقبل/ي مني كل الود

عاشق آهاتي

المتميزين في منتديات ميلاف اليوم
العضو المميز	الموضوع المميز	المشرف المميز	المشرفة المميزه
تاتيانا	×× ـ أكــبــر مــوســوعــه صــور لــلــ m s n ـ ×× بقلم : بندوري	الصمت الجريح	صآحْبُہ آلٌـسِموٍـوٍ.~}

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)