ياهية ياللي غرك ((الحسن والزين))




ترى حياتك ((كلبوها عقوبة))






وش عاد لو عمرك ((ثلاثة وعشرين))






من قل مقداره يحسب ذنوبة






مافية داعي لدلع ياريش العين






الله خلق خلقه وميز شعوبة






حتى لو إن أبوك ((راعي ملايين))






وفي ((البورصة)) كلٍ يجنب دروبة






وعنده عماير في جميع الميادين






وقصرٍ بوسط ((اسبانيا)) قد مشوبة






أنتي حياتك كلها بين(( قوسين))






تمشين بين الناس دايم لعوبة






متنقلة مابين ((لندن وبرلين))






((والشرق الأوسط ))قد مشيتي دروبة






والصيف في ((سيدني)) بوسط البساتين






وتقول جو الملكة زاد شوبة






صدت وقالت داركم يامساكين






فيها التأخر والتخلف أعجوبة






ياشين عيشتكم منول وذالحين






فعلٍ تراكم ((عايشين بصعوبة))






نظرتها ثم قلت يابنت تكفين






روحي وانأ بروح(( كلٍ بصوبة))






حنا بدارٍ حبها في ((الشرايين))






((المملكة)) دار العرب والعروبة






نحبها حبٍ علية البراهين






لو صيفها قاسي وزايد رطوبة






أجدادنا عاشو بها سنين وسنين






غرب وشمال وشرق وأيضا جنوبة






أجدادنا اللي يلحقون المخلين






تاريخهم حتى العداء قد حكوبة






وشلون مامدحهم هل(( الحق والدين))






اللي ليا جاء ((الضيف)) يأخذ وجوبة






وانأ من اللي يوفي ((الصاع صاعين))






من روس قومً في ((البلاد محسوبة))






من ((لابةٍ)) تعرف على العسر واللين






لأمن ((نار الحرب)) ولعّ شبوبة






(((سهول لأعدوا هل الطيب وافين






كم شيخ قومً بالحدب حولوبة)))






ربعي ((هل الأمجاد سقم المعادين))






من جاء بوسط وجيههم ((حدروبة))






رجالهم ينطح من الناس ((جمعين))






((والموقف الهين)) حشا مارضوبة






وانأ ((ولدهم)) مرسين بين ((عدين))






((أسج فكري)) للفضاء كل نوبة






شاعر وعدّل(( مايلات الموازين))






يومٍ بعض الناس ((دوبة ودوبة))
*******------*******
من اختيارات اختكم غلاوي