هذه قصيده من روائع الشاعر ][ حامد زيد ][ ][ إنتي ولا شي ][


والله وصرتي تستهينين فيني


وانا الذي سويت لك قدر بيديّ


تدرين وش كنتي قبل تعرفيني ؟


ان قلت لك كنتي ولا حاجة شويّ


انا الذي فرشت لك رمش عيني


وعملت منك شي وانتي ولا شيّ


جيت اعشقك ما جيتك لك تحقريني


جيت اسكنك بسمة ما هو بسكنك غيّ


لا صرت عامل لك قدر قدريني


ترا الكرامة صفحة ما لها طيّ


ما دام ما جيتي غلا لا تجيني


نار الجفا عندي ولا الذل بالفيّ


والله لاهجرك قبل لا تهجريني


اجل تبيعيني واجيلك برجليّ


يا تتركين الكبر يا تتركيني


لأن المحبة شي والمهزله شيّ


إن كانت الدعوة غلاي وحنيني


يمكن يزول الحقد ويشعشع الضيّ


لكن حكاية ينحني لك جبيني


في ذمتي ما ينحني لك وانا حيّ

دايم حامد معودنا على قصايدة اللي أنا ماحبيت الشعر إلا عشان شعرة
وتسلم ياعبوووووووووووووووووووود

ابدااااااااااااااع
صح اللسان شاعرها ولساانك ولاهان منطوقك
يعطيك العاافيه اخوي عبووود ع الاختيار الموفق

دمتـــ بود