قصيدة للعشاق




يا عمري الدنيا ما تسوى تنام وخاطرك زعلان
ولابه شي يستاهل يخلي قلبك يعاني
طلبتك كان لي خاطر تبعد عنك ألأحزان
فديت أعيونك الحلوه تبسم لو على شاني
حبيبي صار لي مدة أشوفك تايه وحيران
وانا والله لا شفتك حزين تزود أحزاني
أنا احبك ولا ودي تعيش بدنيتك ندمان
ترى ألأيام محسوبة وتالي ها لعمر فاني
تصدق بسمتك والله تفرح خاطري الولهان
يطير من الفرح قلبي واصير بعالم ثاني
والى من شفتك بضيقة أحس اني انا الغلطان
أعاتب نفسي بنفسي ولو ما كنت أنا الجاني
غلاك بداخل أعروقي ولا يوصل غلاك انسان
يمر الوقت ويثبت لك غلاك ان الله أحياني
أضحي بعمري لعيونك تنام انته وانا سهران
ونادي جروحك لقلبي تجي واحد ورى الثاني


مـو حرام..أني أشوفك
في عيوني تذبلين..
وانتي ورده...
وكل ها الناس طين..
لو للحظه..أسمعيني
وقومي يا الله سا عديني
واتركيني أنتشلها...
واو عدك ما تندمين
يا اللي ما جابت سنينك
ألا أنتي تشبهين..
كفي..حطيها فدينك
وللسحايب توصلين..
هـــــــــــــــم..
يشوفونك مجرد..
واحده للعالم..تغرد
وتمضــــــي..
با الوقت السفينه
وما دروا عنك..ضحكتي
ولا بتموتي حزينه..
أسالك با الله..يا نتي
لي متى وانا اشوفك
وسط نظرتهم ..سجينه
للا تروحي ولا تجين
وفيــني لا تستعجلين
ولا تشكي بي وتخافي..
ما طلبتك تعشقين..خافقي
وتروي جفافي...
لو اقول ..أتصدقين
عندي..والله كافي
أني أشوفك تشرقين
وتحتك الكون ..طافي
يا الله لاتتجاهلين
ومني لا تتعجبين
أنتي ورده..
وكل ها الناس
طيــــــــــــــن.....



تحياتي : كــــــــــاتمــــــــة أحـــــــــزانــــــــي

اختي كلامك رائع و موضوعك رائع
و انتي اروع
مشكوووورة ما قصرتي
تقبلي مروري و تحياتي الخاصة

تسلم أخي العزيز على المرور

أضاءت صفحتي بردودك

تحياتي

كـــاتـــــــمــــــــة أحــــــــــــــزانـــــــــــي

مشكوووووووووورة

علي هالنقل المتمييز

والكلمات والمشاعر الرقيقه

تقبلي مروري

دمتي للمنتدي

حاتـــــــــــم

روووووووووعهـ بصرااعهـ
صح اللسانجـ غلاي
ولاهان منطوقج
اتحفتينا بهالقصيده
كل الشكر لج غلاي
لاهنتيـــ