اللي مثلك يا حبيبي ما يلام !
قوم وانسى الدمع .. وانساني معه !!

لا تحاتي الليل ! ودعني .. ونااام
السهر ما هو بضيق الا سعه ؟؟

خلّني مابين كذبك !! والغرام
بنثره وآخر طموحي اجمعه ..

بك ( ختمت المسك ) يا ( مسك الختام )
واحفظ ( اغلى ) بيت وانسى ( مطلعه )

( شاعرك ) لا شحّ صوته بالكلام ؟
ناظر عيونه كلامه تسمعه !!

ما ورى هاك الطعون الا الخصام
وماورى وصلك وقربك منفعه ..

عدّني ما كنت وانساني .. مدام
الفراق اصبح : ( جهاتي الاربعه ! )

خابرك حسّاس وتخاف الزحام !
خاف قلب ٍ به هموم مجمعه !!

إعتقه لله !! واتركه بسلام
ما بقى به عرق تقدر تقطعه ؟!

ضامي واطرد سرابك ( نصف عام )
حالتي حاله ! واجامل واتبعه ..

كل ما طاح ( الامل ) شلته وقام
لين طحت ! ولا لقى من يرفعه ؟!

غلطتي كنت انتظر منك اهتمام
وغلطتك ( بُعدي ) ثمنها و ( ادفعه )

لا تقول البُعد والفرقا حرام ؟؟
الحرام : اعطيك ( عمر ) تضيّعه !!



منقووول للأمانة

هذا من ذوقك خيتووو

يسلموو على المرور الرائعـ..

نورتيـ.. الصفحهـ..

تسلم اخوي على هالنقل الروعه ..
انتظر جديدك بشوق ..
تحياتي ..

يسلموو ع النقل الروووعهـ