يابوي انا مليت من زرع الاوهام
يابوي حال القلب والله كسيفه

قضت حياتي ماتهنيت باحلام
كني فقير ينتظر له غريفه

ابسط حقوقي شعر واقلام
وحروف في بحر حزني غريقه

امسح دمعي باطراف الاكمام
لموت روح يابوي والله عفيفه

روحي اللي ماترضى بالحطام
روحي اللي لروحك يابيي وليفه

موتوني ناس مجرد اجسام
لاروح لامعنى ولا نفس شريفه

لو كنت موجود عزالله مانضام
وعيونهم بقربك تبقى كفيفه

والله لاراحه دامت معي ايام
وكل فرحه بعد عينك طفيفه

تذكر وانا طفله في اول العام
يوم كنت عندك لعبه خفيفه

من يومها ماشفت اي اهتمام
من يومها ماصار بعدك خليفه

من يومها سقت نفسي للعدام
من يومها ماعشت لحظه كليفه

غاب ظلك وبقيت تحت الغمام
وبعدها كلا اشهر علي سيفه

جرح مو اي جرح جرح الكلام
بقلبي اثقل من الجبال المنيفه

واعزتي لحالي ربيت الالام
واعزتي لقلب ماطاب كيفه

ان رحت وان جيت ابقى ملام
ماكني انسانه مالي اية وظيفه

ليتك حفرت القبر قبل الزحام
واخذتني جنبك بضلال وريفه

اشم انا ريحك داخل الخام
وانسى شقى الليالي العجيفه

اكبر طموحي شوفتك بالمنام
تخفف من وقع السهوم العنيفه


اتمنى تعجبكم كتبتها بنفسي وللامانه الشعريه
ما اسامح اي احد ينسخها او ينقلها

اتمنى اشوف رايكم

//

كلامات واحاسيس رائعهـ

تواجد رائع..

الى الامام ..

ننتظر جديدكـ..

\\

معاند الجرح
اشكرك على المرور
الحبر دمي
والمحبره دموعي
خطتها جروحي
على صفحات
مشاعري

انا من كتب الابيات
دمت بخير

كلي شموخ

مشكوره على المرور
دمتي
شامخه بقلمك
وما تسطره بنانك