في ليلة عرسهاآ تبكي حزينه...

ღسفيرة الأحزانღ · 08-21-2008, 04:08 AM

في ليلة عرسها تبكي..
حزينه وقلبها يحكي..
يقول:
الحمدلك ربي على كل حال..
على الصحه..على النعمه..
على قلب شكى همه..
وصبر طال..
تجيها امها وتقول:
خلاص يابنيتي انسي..
قوي قلبك الحاني واقسي..
نصيبك هونصيبك..
ولوكان الله كاتب لك حبيبك..
ماوقف في دربكم شئ..
تجاوبها....
ابي اعرف..ابوي شلي استفاده الحين؟!
ولوذابحني كان ابرك..
وزوجي وش ذنبه المسكين؟
يعيش باقي العمر مع جثه تتحرك!
عليك الله يايمه خبريني اشلون اضمه؟!
واذا وده يكلمني..وشاف دموعي فعيني..
قولي اشلون اكلمه؟؟
واذا ناداني بإسمي .. وانا اخطيت باسمه..
ياترى وش موقفه مني..؟؟
واهو يسمع اسم غيره؟!!
تجيها امها وتقول..
خلاص فضيها من سيره..
خلاص يابنيتي إنسي..

بقولك شئ يايمه..
وخليها مع الاسرار..
ابكتب له رسالة شوق .. بشاكيه الالم والعوق..
عقب ماانتهي منها ..بكل الحرص ارسليها وخبيها عن الانظار..
وابي منك وعد صادق..
توصليها لذاك المغرم العاشق..
وبعد مايصلك رده على طول بلغيني بآخر الاخبار..
ربع ساعه يايمه..عطيني بس ربع ساعه..
ابكتب له عن اللى طفى مافي القلب والاعه..
ابكتب له الين دمع القلم مايجف..
تعالي بعدها واستلمي مافي لبظرف..
وكتبت من حزنها ابيات..
تقول فيها سلاماتي..تحياتي.. واشواقي الشديده على اللي روحه قبالي..
وانفاسه بعيده ..على اللي افترقنا غصب عن عيني وعينه..
بعدماكنت انا وياه نحلم بلحظه سعيده..
بعيش بغربتي لحالي..
واهو الله يعينه يكمل نصفه الثاني..
ويلقى من تريده..
مثل ماقالت امي مالنا الا قدرنا..
والا من زمان المفروض ايدي بايده..
يسامحك الله يالوالد..على عمر قتلته..
بعد مامات ابنيتك وش اللي بتستفيده؟؟
انا اسفه على اعذاري وربي غصب عنى ..
نعم..
بتزوج فلان..بس بعيش عمري وحيده..
محد ممكن انه يملي عيوني بدونك ..
تذكر كلمتي هذي (انا فحبك شهيده)
تذكر كلمتي ارجوك..لانها من فؤادي..
فؤادي اللى ذبحوه اليوم..
وطعنوه فوريده..
تذكر كلمة فيها شعوري وماطر ليانا فحبك شهيده..
وذي ترى اخر قصيده ..
وجتها الوالده عندها..
وهي تحاول تغض الطرف..
وتسألها ..وش اللي بداخل هالظرف؟؟
ابيات..
هي ابيات ..لحب من حياتي فات..
لحب من حياتي طار..
بسرعه ارجوك ارسليها..
وهي تذرف ..دموع نار..
على هونك يايمه..
على هونك..
خلاص اطمنى انتي برسله ماكتبتي..
واستعدي بعد شوي بيزفونك..
يزفوني؟؟
وربي كان اهون لو يكفنوني..

بعد ايام..
تسافر لاجل تقشي في فرنسا شهر العسل..
والمكتوب للعاشق وصل..
وهي مع زوجها تضحك..
وهو من فرحته يضحك..يقول انا افديك بروحي..
وبيتي ..ومالي ..والاهل..
وهي تقول اشكرك بالحيل..
لانك من جديد رجعت في قلبي الامل..
وساعه بعه ساعه..فرحتهم تزيد..
في الصبح يتجولون في باريس..لحتى الليل..
وفي الفندق يشربون قهوه بالهيل..بعدها يسهرون كل الليل..
وحانت ساعة الرده..
بعد ماطالت المده..
وموعدهم بعد ساعات..
لاجل ماتوصل الرحله على ارض السعوديه..
واول ماوصلوا المطار..
من الفرحه بكوا..
واستقبلوهم اهلهم باحضانهم..
عساكم بس تهنيتوا..
يجاوبوهم..الله يسلمكم..والحمدلله الهنا في حجرنا بات..
تطير البنت ناحية امها..
اشتقت لك حيل يمه..وهاتي حضنك الدافي..
ترى مشتاقه اضمه..
وخبريني عن احوالك؟؟عن اخبارك؟؟
عساك بخير؟؟
بخير يابنيتي..دامك بخير..
بس ماسألتيني؟؟!
خير يايمه؟!
نسيتي إنك ارسلتي رساله..
قبل ماترحلي بخير وسهاله؟؟
صحيح توني تذكرت..ارسل لك جواب؟
بعد ماارسلتها ..صرت انتظر منه خطاب..
ومرت ايام وليالي وساعات..
بعد مدة شهر اويمكن شويه تزيد ..
لقيت نفس الرساله عند صندوق البريد..
تقول:لم يقراها احد!!
قلت بنفسي اتأكد..
وصلت لباب منزلهم وكلمني اخوه احمد..
عرفتي ليش مافي حد قرا الابيات؟؟؟

في نفس اليوم اللى انتي تزوجتي فيه..
وكنتى حيل مغتمه ..
حبيبك ماقد يتحمل الصدمه..
مع كل الاسف..

((مات))

بانتضاآر ردودكـ...ـم...

سفيرة الحب · 08-21-2008, 04:16 AM

مشكووووووووره خيتــو
على القصيده الروعه
تقبلي مروري:
سفيرة الحب

ღسفيرة الأحزانღ · 08-22-2008, 12:44 AM

تسلمين عالمرور خيتو

سفيرة الشوق · 08-24-2008, 06:58 AM

مشكوره حبيبتي على الابداع
تقبلي مروري

سفيرة الشوق · 08-24-2008, 07:01 AM

مشكوره حبيبتي على القصيده الحلوه

ننتضر جديدك

المتميزين في منتديات ميلاف اليوم
العضو المميز	الموضوع المميز	المشرف المميز	المشرفة المميزه
بندوري	سو كنك مادريت وارعص هنا هع بقلم : سفيره الكل	الصمت الجريح	شمس الاصيل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)