خسيتي لعنبو جدك .. خسيتـي والغلـط ينعـاب

خسيتي واقلبي وجهـك.. ولا كلمـه؛ ولااجابـه

خسيتي والزمي حدك.. تراهـا ضاعـت الاداب

انا لاطاشت جنونـي.. يعـرف الجاهـل ادابـه

وش المغزا من الكلمه بلا داعـي بليـا اسبـاب

وهرج الكذب والتجريح .. قوليلي وشهي اسبابه

انا الشرهه علي اني فتحت لخافقـي كـم بـاب

ولكن مثل ماجيتي .. تـرا كبـر الجمـل بابـه !

خذي نفسك معك برا .. ثم انقلعي بـدون إيـاب

فمان الله ؛ والا اقول .. فمان ابليس واصحابـه

تحسبيني على فرقاك ابنـدم واغـرق الاهـداب

انا مبسوط يوم اني .. طردت الشـوم وغرابـه

انا ما اعاشر الخاين ولا اسمع هرجـة الكـذاب

ومثلك قيمتـه عنـدي تحـت الزيـرو حسابـه

هذاك اللـي يزفونـه حقيـر وخكـري ولعـاب

عجبك ان قذلته شقراء ويميّـل بالشعـر كابـه

صحيح انه حقير وزين وشكله للنسـاء جـذاب

تشّبه بأختـه فلانـه .. ومنهـا الـدم متشابـه

وانا مانيب حرف الجر .. تجرينه على الاعراب

انا حرف(ن) جزم نفسه.. ومثلي يصعب اعرابه

تشوم النفس عن زينك عقب ماطاح فيها ذبـاب

وانا حر(ن) ولد حر .. تركـت الزيـن وذبابـه

انا شيخ(ن) ولد شيخ ؛ بذكره تنعـم الانسـاب

اليا قام العرب كل(ن) .. يراجع دفتـر انسابـه

ولد شيخ(ن) وسط ربعه له بين الرجال حسـاب

اليا ضاقت به الارجاء .. يهـز الارض مشعابـه

محنكني على الطيبه من يومي صغيـر وشـاب

اجل وش رايك بطفـل(ن) دلال القهـوه العابـه

(ترى بدري على مثلك تعيب وساسهـا معيـاب

ياليت اللي يعيبنـي .. يحـاول يستـر ثيابـه)

انا لاجتني الزلـه مـن الجاهـل وهـو كـذاب

تركت القافله تمشـي .. وراهـا تنبـح كلابـه

وانا ليامن كشف ان الخوي اصبح لسانـه داب

نزعت السم من عرقه وكسـرت بمخلبـي نابـه

خلاص اليوم يافلانه ؛ كرهتك والقلوب اغـراب

(وترى كل طير(ن) بكبد السماء يشبع بمخلابـه)

خساره مثلك بقلبـي تضمـه غرفـة الاحبـاب

وخساره غلطة العاشـق ؛ يحطـك اول احبابـه

بعد هذا تبين ارجع لاجل عينك نصير اصحـاب

خسيتي واقلبي وجهك ؛ ولا كلمـه ؛ ولااجابـه

(ترى بدري على مثلك تعيب وساسهـا معيـاب

ياليت اللي يعيبنـي .. يحـاول يستـر ثيابـه)

انا لاجتني الزلـه مـن الجاهـل وهـو كـذاب

تركت القافله تمشـي .. وراهـا تنبـح كلابـه

خساره مثلك بقلبـي تضمـه غرفـة الاحبـاب

وخساره غلطة العاشـق ؛ يحطـك اول احبابـه

بعد هذا تبين ارجع لاجل عينك نصير اصحـاب

خسيتي واقلبي وجهك ؛ ولا كلمـه ؛ ولااجابـه


بجد رووووووعة

قصيدة رائعة و قوية

شكراً عزيزتي كلي شموخ على القصيدة الروعة

متميزة كعادتك

تقبلي مروري

تسلمي انجل

تواجدك عطر صفحتي

مشكووووووووووووووره
خيتو على القصيده تعجبني هالاشكال
تقبلي مروري

تحياتي : سفيرة الحب

رررررررررررررررررروعه الكلمات يا كلي شموووووووووووخ مشكوره