بعد ما هو غشاني الصمت هنا للبوح لي مدخال
ابي اكسر جدار الصمت بعد ما جار تطويقه


.


وبعد مالت على وجهي ليال الهم والغربال
سلام الله يا حلمي من الضيقه ليا الضيقه


.



اعيش الواقع المُحزن واشوف ان الليال اطوال
وانا ان الهنا ممكن ولكن كيف تحقيقه ؟


.



غريب وغربتي طالت تموت بداخلي الآمال
تمزقني الليال السود ثقيل الوقت ما اطيقه !!


.


طويتك يا دروب الصمت طويتك والجروح اشكال
طويتك والاسى وارق على أوطاني مواريقه



.



خفوقي لي متى تكفى !! تعبت اطرد سراب اللال !!
ابي منك الجواب ارجوك ولو هو صعب تصديقه



.



وثقت ولا بقى لي شي .. سوى يوم العزوم جبال
زمان ٍ لو عقد به عهد .. يخون اسهل مواثيقه


.


يقولون الصبر غيمه .. وانا اقول الصبر محتال
لأني من صبر وآخر محاصيله ( نشف ريقه )


.



والا يا حاسد ٍ حالي ابي تشرب ولو فنجال
من هموم ٍ ملت عرقي على قلبي ومعاليقه



.



لجل تدري وش همومي على الغربال والترحال
وعلى الهاجس ليا من قام يغني لي طواريقه



.



يغني لي وانا دمعي على خدي جرى همال
سبايب حظي المقفي وقل ّ الحظ توفيقه

منقول

شعر في قمه الروعه ننتظر الجديد

كلمات رائعه
تقبل مروري
دمت بخيييير
بسمة الخاطر

كلماات رائعه

يعطيك الف عافيه

ودام نبض قلمك

بانتظار القادم

ودي

مشكور اخوي ..
كلمات روعه ..
دمت بود ..
تحياتي ..